ކ. މާލެ
|
5 މެއި 2021 | ބުދަ 11:41
އައިމިނަތު ޝައުނާއަށް ވަޒީރުކަމުގެ ފަތްކޮޅު ދެއްވަނީ: މިހާތަނަށް ހުންނެވީ ރައީސް އޮފީހުގެ ޕޮލިސީ ސެކްރެޓަރީ ކަމުގެ މަގާމުގައި
އައިމިނަތު ޝައުނާއަށް ވަޒީރުކަމުގެ ފަތްކޮޅު ދެއްވަނީ: މިހާތަނަށް ހުންނެވީ ރައީސް އޮފީހުގެ ޕޮލިސީ ސެކްރެޓަރީ ކަމުގެ މަގާމުގައި
ރައީސް އޮފީސް
އެންވައިރުންމެންޓާއި ޓެކްނޮލޮޖީ އެއްކޮލުން
އެންވައިރުމެންޓާއި ޓެކްނޮލޮޖީ އެއްކޮށްލައި މިނިސްޓަރުކަމަށް ޝައުނާ
 
ކުރީގެ އެންވައިރުމަންޓް މިނިސްޓަރު ބަދަލުކުރެވުނީ ފިޝަރީޒް މިނިސްޓަރަށް
 
ކުރީގެ ޓެކްނޮލޮޖީ މިނިސްޓްރީ އުވާލައި އެންވައިރުމަންޓާއި ވަނީ އެއްކޮށްލާފައި
 
ޝައުނާ ކުރިން ހުންނެވީ ރައީސް އޮފީހުގެ ޕޮލިސީ ސެކްރެޓަރީގެ މަގާމުގައި

އެންވައިރަންމެންޓާއި ޓެކްނޮލޮޖީ އެއްކޮށްލައި މިނިސްޓަރުކަމަށް އައިމިނަތު ޝައުނާ އައްޔަން ކުރައްވައިފިއެވެ.

މިއާއެކު މިނިސްޓްރީ އޮފް ކޮމިޔުނިކޭޝަން، ސައެންސް އެންޑް ޓެކްނޯލޮޖީ ވަކި މިނިސްޓްރީއެއްގެ ގޮތުގައި އުވިގެން ދިޔައީއެވެ. އެ މިނިސްޓްރީގެ މުވައްޒަފުންނާއި މަސައްކަތްތައް އެންވައިރަންމެންޓް މިނިސްޓްރީގެ ދަށަށް ބަދަލުކޮށް މިނިސްޓްރީގެ ނަން ރައީސުލްޖުމްހޫރިއްޔާ ވަނީ ބަދަލުކުރައްވާފައެވެ.

އައު ނަމަކީ މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީއެވެ. ދެ މިނިސްޓްރީ އެއްކުރުމަށްފަހު މިނިސްޓަރު ކަމަށް އައްޔަން ކުރައްވާފައިވަނީ އައިމިނަތު ޝައުނާއެވެ. ޝައުނާ މީގެ ކުރިން ހުންނެވީ ރައީސް އޮފީހުގެ ޕޮލިސީ ސެކްރެޓެރީގެ މަގާމުގައެވެ.

މިގޮތަށް ހަމަޖެއްސެވުމާ ގުޅިގެން ކުރިން މިނިސްޓްރީ އޮފް ކޮމިޔުނިކޭޝަން، ސައިންސް އެންޑް ޓެކްނޯލޮޖީން ކުރައްވަމުން ގެންދެވި އެންމެހައި މަސައްކަތްތައް ދެން ކުރައްވަމުން ގެންދަވާނީ، މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީންނެވެ. އެ މަސައްކަތްތައް ކުރެއްވުމަށްޓަކައި މިނިސްޓްރީ އޮފް ކޮމިޔުނިކޭޝަން، ސައެންސް އެންޑް ޓެކްނޯލޮޖީގައި ތިބި މުވައްޒަފުން މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީއަށް ވަނީ ބަދަލުކުރެވިފައެވެ.

މިނިސްޓްރީ އޮފް ކޮމިއުނިކޭޝަން، ސައެންސް އެންޑް ޓެކްނޯލޮޖީ އުވާލެއްވުމާ ގުޅިގެން އެ މިނިސްޓްރީން ކުރައްވަމުން ގެންދެވި ދިވެހިރާއްޖޭގެ ޓެލެކޮމިއުނިކޭޝަނާބެހޭ އެންމެހައި މަސައްކަތްތަކާއި ސައެންސް އެންޑް ޓެކްނޯލޮޖީއާއި، އިންފޮމޭޝަން އެންޑް ކޮމިއުނިކޭޝަން ޓެކްނޯލޮޖީއާބެހޭ އެންމެހައި މަސައްކަތްތައް، މިނިސްޓްރީ އޮފް އެންވަޔަރަންމަންޓް ކްލައިމެޓް ޗޭންޖް އެންޑް ޓެކްނޯލޮޖީން ކުރައްވަމުން ގެންދަވާގޮތަށް ރައީސުލްޖުމްހޫރިއްޔާ ވަނީ ހަމަޖައްސަވައިފައެވެ.

މިއީ މިިނިސްޓްެރީ އޮފް ކޮމިއުނިކޭޝަން ސައިންސް އެންޑް ޓެކްނޯލޮޖީ އުވާލެވުނު ދެވަނަ ފަހަރެވެ. އެންމެ ފުރަތަމަ އެނަމުގައި މިނިސްޓްރީއެއް ވުޖޫދުކޮށް މިނިސްޓްރީ އޮފް ކޮމިއުނިކޭޝަން ސައިންސް އެންޑް ޓެކްނޯލޮޖީގެ ނަމުގައި ހިންގީ 11 ނޮވެންބަރު 1998ން 14 ޖުލައި 2005 އަށެވެ. ދެވަނައަށް މި ސަރުކާރުގައި މިނިސްޓްރީ އޮފް ކޮމިއުނިކޭޝަން ސައިންސް އެންޑް ޓެކްނޯލޮޖީގެ ނަމުގައި ވަކި މިނިސްޓްރީއެއް ހުރީ 17 ނޮވެންބަރު 2018 އިން 5 މޭ 2021 އަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިމާދު ލަތީފް
56%
16%
4%
16%
4%
4%
ކޮމެންޓް
5 މެއި 2021 | ބުދަ 22:35
ފެންބެ
ޝައުނާ މީއީ މިހުރިހާ ދާއިރާއަކުން ކިޔަވައިގެން ހުރި މީހެއްތަ؟
ގުޅުންހުރި
ބަންގްލަދޭޝްގެ މިނިވަން ދުވަހުގެ ތަހުނިޔާ ރައީސް ފޮނުއްވައިފި
ފްލެޓާ ގުޅޭގޮތުން ރައީސް އޮފީހަށް ހުށަހެޅި ޕެޓިޝަނަށް 4 މަސްފަހުން ދިން ކުރު ޖަވާބު: ހައުސިންގ މިނިސްޓްރީއަށް ދޭ!
43 އަހަރަށްވުރެ ދިގު މުއްދަތެއްގައި ދައުލަތަށް ޚިދުމަތް ކުރައްވައިފައިވާ އަދި އިނާމު އަރުވާފައިނުވާ ފަރާތްތަކުގެ ރެކޯޑު ޤައުމީ އިނާމާބެހޭ ކޮމިޓީއަށް ފޮނުވަނީ
43 އަހަރަށްވުރެ ދިގު މުއްދަތެއްގައި ހިދުމަތްކޮށްފައިވާ ފަރާތްތަކަށް ދައުލަތަށް ޚިދުމަތްކުރުމުގެ އިނާމު ދެނީ
ޓެކްނޮލޮޖީގެ އެހީއާއެކު މުޅި ރާއްޖޭގައި އިޔާދަކުރަނިވި ހަކަތަ އިތުރަށް ފުޅާކުރާނަން: މިނިސްޓަރު
ސިޔާސީ މަޤާމުތަކަށް މިފަހުން އައްޔަންކުރި ފަރާތްތަކުގެ މައުލޫމާތު ހާމަނުކުރުން: ސަރުކާރުން ބުނަނީ ވެބްސައިޓުގެ ޓެކްނިކަލް މައްސަލައެއްކަމަށް
މިދިޔަ ސަރުކާރުން ތަރައްގީކުރި މާލޭ ވޭސްޓް ޓްރްންސްފަރ ސްޓޭޝަން ހިންގުން ވެމްކޯއާ ހަވާލުކޮށްފި
އޮޑިޓަރ ޖެނެރަލް އޮފީހުގެ އައު އިމާރާތުގެ ބިންގާ އަޅައިފި