27 އަހަރަށް ފަހު ބިލް އާއި މަލިންޑާ ގޭޓްސްގެ ކައިވެނި ނިމުމަކަށް!

ދުނިޔޭގެ އެންމެ މުއްސަނދި މީހާ ބިލް ގޭޓްސް އާއި މެލިންޑާ ގޭޓްސްގެ 27 އަހަރުވީ ދިގު ކައިވެނި ނިމުމަކަށް ގެންނަށް ދެމީހުން ނިންމައިފިއެވެ.

ބިލް އާއި މެލިންޑާއި ވަރިވާން ނިންމާފައިވާކަން އާންމުކޮށްފައި ވަނީ ޓްވިޓަރ މެދުވެރިކޮށެވެ. އެގޮތުން ބިލް ވަނީ މިކަމާ ގުޅޭގޮތުން ދެމީހުންގެ ބަސް އޭނާގެ ޓްވިޓަރ ގައި ޝެއަރ ކޮށްފައެވެ.

އެޓްވީޓްގައި ވާގޮތުން ކައިވެނި ނިމުމަކަށް ގެނައުމަށް ގެނުމަށް ނިންމާފައި ވަނީ އެކަމާ މެދުގިނަ ވިސްނުންތަކެއް ވިސްނައި ކުރެވުނު ގިނަ މަޝްވަރާތަކަކަށް ފަހުއެވެ. އަދި ދެމަފިރިންގެ ގޮތުގައި ދެމީހުންނަށް އިތުރަށް ކުރިއެރުން ނެތް ކަމަށް ބިލް އާއި މެލިންޑާ ވަނީ ބުނެފައެވެ. އަދި މީގެ ސަބަބުން އާއިލާގެ ދިރިއުޅުމަށް އަންނާނެ ބަދަލުތަކަށް ހޭނުމަށް ނަގާނެ ދުވަސްތަކުގައި އެދެމީހުންގެ ޕްރައިވެސީއަށް އިޚްތިރާމު ކުރާނެ ކަމަށް އުންމީދުކުރާ ކަމަށް ވަނީ ބުނެފައެވެ.

ކައިވެނި ނިމުމަކަށް އައި ނަމަވެސް ބިލް އެންޑް މެލިންޑާ ގޭޓްސް ފައުންޑޭޝަންގެ މަސައްކަތްތައް އެކުގައި ކުރާނެ ކަމަށާއި މި ވޭތުވެދިޔަ 27 އަހަރުގެ ތެރޭގައި އެކުގައި ގިނަ ކަންތަތަކެއް ހާސިލްކުރެވިފައިވާ ކަމަށް ވަނީ ބުނެފައެވެ.

ބިލް އާއި މެލިންޑާ އެންމެ ފުރަތަމަ ދިމާވެފައި ވަނީ 1980ގެ ތެރޭގައި މެލިންޑާ ބިލްގެ މައިކްރޯސޮފްޓް ކުންފުންޏާ ގުޅުމުންނެވެ. އަދި 1994 ވަނަ އަހަރު ދެމީހުން ކައިވެނިކޮށްފައިވާއިރު، ދެ މީހުންގެ ތިން ދަރިން ތިބެއެވެ.