ރާއްޖެ
ޖިންސީ ގޯނާގެ މައްސަލަ
ކުޑަކުއްޖަކަށް ޖިންސީ ގޯނާކުރި މައްސަލައެއްގައި ބިދޭސީއަކު ހައްޔަރުކޮށްފި
ހައްޔަރު ކުރީ އުމުރުން 33 އަހަރުގެ ބަންގްލަދޭޝް މީހެއް
ޝުރުފާ މުހައްމަދު, ރާއްޖެ އެމްވީ | 27 އެޕްރީލު 2021 | އަންގާރަ 18:03
ރޭޕާ ދެކޮޅަށް ކުރި މުޒާހަރާ
އުތުރުގެ ރަށެއްގައި ކުޑަ ކުއްޖަކަށް ޖިންސީ ގޯނާ ކުރި މައްސަލައެއްގައި ބިދޭސީއަކު ހައްޔަރުކޮށްފިއެވެ.
ފުލުހުން ބުނީ އއ. އދ. ކ. އަދި ވ. އަތޮޅު ހިމެނޭ ނޯތު ޕޮލިސް ޑީވިޝަންއަށް ކުޑަ އަންހެން ކުއްޖަކަށް ޖިންސީ ގޯނާކުރި މައްސަލަ ހުށަހެޅީ ރޭ 10:15ހާއިރު ކަމަށެވެ.
އެ މައްސަލާގައި ކޯޓު އަމުރެއްގެ ދަށުން މިހާރު މީހަކު ހައްޔަރުކޮށްފައިވާ ކަމަށާއި، އެއީ އުމުރުން 33 އަހަރުގެ ބަންގްލަދޭޝް މީހެއް ކަމަށްވެސް ފުލުހުން ބުންޏެވެ. އަދި އެ މައްސަލަ މިހާރު ތަހުގީގުކުރަމުން އަންނަ ކަމަށްވެސް ފުލުހުން ބުނެފައިވެއެވެ.
