މެލޭޝިއާއިން އުމުރުން ދުވަސްވީ މީހުންނަށް އެސްޓްރަޒެނެކާގެ ވެކްސިން ދޭން ނިންމައިފިއެވެ.

މެލޭޝިއާގެ ހެލްތު މިނިސްޓަރ ވަނީ އެސްޓްރަޒެނެކާގެ ކޮވިޑް ވެކްސިނަކީ ރައްކާތެރި ވެކްސިނަކަށްވާތީ އެގައުމުގައި އުމުރުން 60 އަހަރުން މަތީގެ މީހުންނަށް މިވެކްސިން ދޭން ނިންމާފައިވާކަމަށް ވިދާޅުވެފައެވެ.

ޑަބްލިއުއެޗްއޯގެ ދިރާސާތަކަށް ބިނާކޮށް އެސްޓްރަޒެނެކާ ވެކްސިންގެ ރައްކާތެރިކަން ކަށަަވަރުކޮށް ވެކްސިން ޖެހުމަށް ގޮވާލާފައިވާއިރު، މި ޔަގީންކަން ލިބުމުގެ ކުރިންވެސް މި ވެކްސިން ޖެހުން ހުއްޓާނުލުމަށް މި ޖަމިއްޔާއިން ވަނީ ގޮވާލާފައެވެ.

އެސްޓްރަޒެނެކާ ބޭނުންކުރުމުގެ ރައްކާތެރިކަމާ ގުޅޭގޮތުން ވާހަކަދައްކަވަމުން ޑަބްލިއުއެޗްއޯގެ ސްޕޯކްސްޕަރސަން މާގްރެޓް ހެރިސްވަނީ އެސްޓްރަޒެނެކާގެ ވެކްސިންއަކީ ބަރާބަރު ވެކްސިނެއްކަމަށް ސިފަކުރައްވާފައެވެ.

އެސްޓްރަޒެނެކާ ވެކްސިން އެމެޖެންސީކޮށް ބޭނުންކުރުމުގެ ހުއްދަ ޔޫރަޕިއަން ޔޫނިއަންގެ ގައުމުތަކާއި ޔޫކޭގެ އިތުރުން ޕާކިސްތާނު، ނޭޕާލް، ސްރީލަންކާ، ބޫޓާން އަދި ބަންގްލަދޭޝްގެ އިތުރުން އިންޑިއާއާއި ރާއްޖެ އަދި ސައުތު އެފްރިކާގައި ވަނީ ދީފައެވެ. މީގެ އިތުރުން އަލްޖީރިއާ، ބްރެޒިލް، ޗިލީ އަދި އާޖެންޓީނާ އާއި މެކްސިކޯ، އެލްސެލްވަޑޯ އަދި ޑޮމެނިކަން ރިޕަބްލިކާއި މިސްރު، ކުވައިތު، މޮންގޯލިއޯ، މޮރޮކޯ، ނޯރވޭ، ފިލިޕީންސް، ސީޝެލްސް، ދެކުނު ކޮރެއާ އަދި ތައިލޭންޑުން ވަނީ އެސްޓްރަޒެނެކާ ވެކްސިން ބޭނުން ކުރުމުގެ އެމެޖެންސީ ހުއްދަ ދީފައެވެ.