ކ. މާލެ
|
2 އޯގަސްޓް 2017 | ބުދަ 18:28
 ހަމަލާ ދީފައިވަނީ އިޝާނަމާދަށް މީހުން ގޮސް 300 އެއްހާ މީހުންނާއެކު މިސްކިތް ފުރިފައިވަނިކޮށް
ހަމަލާ ދީފައިވަނީ އިޝާނަމާދަށް މީހުން ގޮސް 300 އެއްހާ މީހުންނާއެކު މިސްކިތް ފުރިފައިވަނިކޮށް
އޭއެފްޕީ
އަފްޣާނިސްތާން
އަފްޣާނިސްތާނުގެ ޝީއީން އެބައިމީހުންނަށް ރައްކާތެރިކަން ނެތް ކަމަށް ބުނެ މުޒާހަރާ ކުރަނީ
 
ޝީއީންގެ މިސްކިތަަކަށް ދިން ހަމަލާ އަކާ ގުޅިގެން 30 އަށް ވުރެ ގިނަ މީހުން ވަނީ މަރުވެފައި

އަފްޣާނިސްތާނުގެ ހުޅަނގުގެ ޕްރޮވިންސެއް ކަމަށްވާ ހެރާތުގައި މީހުން ފުރިބާރުވެފައި އޮތް ޝީއީންގެ މިސްކިތަކަށް ދިން ހަމަލާގައި އެތައް ބަޔަކު މަރުވުމާ ގުޅިގެން އެކަމާ ހިތްހަމަނުޖެހުން ފާޅުކޮށް ޝީއީން މުޒާހަރާ ކުރަން ނިންމައިފިއެވެ.

ޝީއީންގެ އެ މިސްކިތަށް ހަމަލާ ދިނީ ޖާނުން ފިދާއީން ނާއި އަދި  ބަޑިހިފައިގެން ތިބި މީހުންނެވެ.

ޝިއީން ބުނަމުން ދަނީ އަފްޣާނިސްތާނުގައި ބައިމަަދު ޝީއީންގެ ރައްކާތެރިކަން ކަމާބެހޭ ފަރާތްތަކުން ކަށަވަރުކޮށް ނުދޭ ކަމަށެވެ. ރިޕޯޓުތައް ބުނާގޮތުން ޝީއީން ބުދަ ދުވަހު މުޒާހަރާ އަށް ނިކުންނާނެއެވެ. 

އަފްޣާނިސްތާނުގެ ހުޅަނގުގެ ޕްރޮވިންސެއް ކަމަށްވާ ހެރާތުގައި މީހުން ފުރިބާރުވެފައި އޮތް ޝީއީންގެ މިސްކިތަކަށް ދިން ހަމަލާގައި މަދުވެގެން 30 މީހުން މަރުވެފައިވާ  ކަމަށް ރިޕޯޓުތައް ބުނާއިރު 64 މީހަކު ޒަޚަމްވެފައިވާ ކަމަށް ރިޕޯޓުތައް ބުނެއެވެ. މި ހަމަލާ ދީފައިވަނީ އިޝާނަމާދަށް މީހުން ގޮސް 300 އެއްހާ މީހުންނާއެކު މިސްކިތް ފުރިފައިވަނިކޮށެވެ

ހަމަލާގެ ޒިންމާ އަދި އެއްވެސް ފަރާތަކުން ނަގާފައިނުވެއެވެ. ސުންނީ މުސްލިމުން ގިނަ އަފްގާނިސްތާނުގައި ޝީއީންނަށް އަމާޒުކޮށް ދޭތެެރެދޭތެރެއިން ހަމަލާ ދެއެވެ. 

2016 ވަނަ އަހަރު ޝީއީންނަށް ދިން ބައެއް ހަމަލާތަކުގެ ޒިންމާ އިސްލާމިކް ސްޓޭޭޓް (އައިއެސް) އިން ވަނީ ނަގާފައެވެ.

 

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް