އެކްސިޑެންޓްވި ސައިކަލެއް މަޑުނުކޮށް ފިލައިފި
އެކްސިޑެންޓް ހިނގާފައި ވަނީ އާދިއްތަ ދުވަހުގެ ރޭ 09:15 ހާއިރު
ޕޮލިހުން މަގުބަންދުކޮށްގެން މައްސަލައެއް ބަލަނީ: އެކްސިޑެންޓަށް ފަހު ސައިކަލެއް ފިލި މައްސަލަ ފުލުހުން ދަނީ ބަލަމުން
އާދިއްތަ ދުވަހު މާލޭގައި އެކްސިނޑެންޓުވި ދެ ސައިކަލުގެ ތެރެއިން އެއް ސައިކަލު ފިލާފައިވާކަމަށް ފުލުހުން ބުނެފިއެވެ.
ފުލުހުން ބުނީ އާދިއްތަ ދުވަހުގެ ރޭ 09:15 ހާއިރު، މޯލްޑިވްސް މަނިޓަރީ އޮތޯރިޓީ ކައިރީގައި ދެ ސައިކަލެއް ޖެހި އެކްސިޑެންޓެއް ހިނގާފައިވާކަމުގެ މައުލޫމާތު އެއިދާރާއަށް ލިބިފައިވާ ކަމަށެވެ. އަދި އެކްސިޑެންޓްވި ދެ ސައިކަލުގެ ތެރެއިން އެއް ސައިކަލު މަޑުނުކޮށް ގޮސްފައިވާ ކަމަށާއި އެކްސިޑެންޓްގައި ދެ މީހަކަށް އަނިޔާވެފައިވާ ކަމަށެވެ.
އެކްސިޑެންޓްގައި އަނިޔާވި ދެ މީހުންނަށް އިންދިރާ ގާންދީ މެމޯރިއަލް ހޮސްޕިޓަލްގައި ފަރުވާދެމުންދާ ކަމަށް ފުލުހުން ބުނެއެވެ.
މި މައްސަލާއި ގުޅިގެން ބަލަންޖެހޭ ކަންކަން ބަލަމުންދާކަމަށް ފުލުހުން ބުނެފައިވާއިރު، ރަމަޟާން މަހާއި އެކު މާލެ ތެރޭގައި ހަރަކާތްތެރިވާ ފުލުހުންގެ އަދަދު ވަނީ އިތުރުވެފައެވެ.
