ހުޅުމާލޭގައި އެކްސިޑެންޓްވި މީހާގެ ސިކުނޑިއަށް ވަނީ ލޭ އެޅިފަ: ފުލުހުން
ސިކުނޑިއަށް ލޭ އެޅިފައިވަނީ ސައިކަލުގެ ފަހަތުގައި އިން މީހާގެ
ހުޅުމާލެ - ބާރު ދުވެލީގައި ނުދުއްވުމަށް ކަމާބެހޭ ފަރާތްތަކުން އިލްތިމާސްކުރޭ
ބުރާސްފަތި ދުވަހުގެރޭ މެންދަމު ހުޅުމާލޭގައި ހިނގި އެކްސިޑެންޓްގައި އަނިޔާވި އަންހެން މީހާގެ ސިކުނޑިއަށް ލޭ އެޅިފައިވާ ކަމަށް ފުލުހުން ބުނެފިއެވެ،
ހުކުރު ދުވަހުގެރޭ ފުލުހުންގެ މީޑިއާ އޮފިޝަލް ވިދާލުވީ ބުރާސްފަތި ދުވަހުގެރޭ މެންދަމު 12:15 ހާއިރު މި އެކްސިޑެންޓް ހިނގީ ހުޅުމާލޭ އެމްޕީއެލް ސަރަހައްދުން ބާރު ދުވެލީގައި ދުއްވާފައި ދިޔަ ސައިކަލެއް ކޮންޓްރޯލް ނުވެގެން ގޮސް ކަމަށެވެ. އަދި މި އެކްސިޑެންޓްގައި ސައިކަލުގެ ފަހަތުގައި އިން އަންހެން މީހާގެ ބޮލަށް އަނިޔާވެގެން ހޮސްޕިޓަލަށް ގެންދެވުނު ކަމަށެވެ.
ފުލުހުން ބުނީ އެ އަންހެން މީހާއަށް މިހާރު ފަރުވާދެމުންދަނީ އޭޑީކޭގެ އައިސީޔޫގައި ކަމަށާ، އޭނާގެ ސިކުނޑިއަށް ލޭ އެޅިފައިވާ ކަމަށާއި، އަދިވެސް އޭނާ ހޭނާރާ ކަމަށެވެ.
ސައިކަލު ފަހަތުގައި އިން އަންހެން މީހާއަށް ސީރިއަސް އަނިޔާތަކެއް ލިބިފައިވާއިރު، ރާއްޖެއެމްވީއަށް މައުލޫމާތު ލިބިފައިވާ ގޮތުގައި މި އެކްސިޑެންޓްގައި، ސައިކަލު ދުއްވަން އިން ފިރިހެން މިހާއަށްވެސް ވަނީ އަނިޔާވެފައެވެ. އެގޮތުން އޭނާގެ ފައި ވަނީ ވަރަށް ބޮޑަށް މަށައިގެން ގޮސްފައެވެ.
ބުރާސްފަތި ދުވަހުގެ ރޭ ހުޅުމާލޭގައި ނުރައްކާތެރި އެކްސިޑެންޓެއް ހިނގާފައިވާއިރު، ކަމާއިބެހޭ ފަރާތްތަކުން ދަނީ ބާރު ދުވެލީގައި ނުދުއްވުމަށް ތަކުރާރުކޮށް އިލްތިމާސްކުރަމުންނެވެ.
