ކ. މާލެ
|
21 އޭޕްރިލް 2021 | ބުދަ 22:48
އިންޑިއާގެ ކޮވިޑްގެ ހާލަތު ވަނީ އިންތިހާއަށް ގޯސްވެފައި
އިންޑިއާގެ ކޮވިޑްގެ ހާލަތު ވަނީ އިންތިހާއަށް ގޯސްވެފައި
ރޮއިޓަރސް
އިންޑިއާގެ ކޮވިޑް ހާލަތު
އިންޑިއާއިން އެއްދުވަހާ 295،000 ކޭސް
 
އިންޑިއާގެ ހޮސްޕިޓަލްތަކަށް ބާރުބޮޑުވެ އެއް އެނދެއްގައި ދެމީހުންނަށް ދަނީ ފަރުވާދެމުން
 
އިންޑިއާއިން މިމަހު އެކަނި 3.5 މިލިއަން މީހުން ވަނީ ކޮވިޑަށް ޕޮޒިޓިވްވެފައި
 
ބުދަ ދުވަހު އެކަނި 2،000ށް ވުރެ ގިނަ މީހުން ވަނީ ކޮވިޑް-19 ޖެހިގެން މަރުވެފައި

އިންޑިއާގެ ކޮވިޑް-19ގެ ހާލަތު އެއްދުވަހުން އަނެއް ދުވަހަށް ގޯސްވެ އެއް ދުވަހާ 295،000 ވުރެ ގިނަ މީހުން ޕޮޒިޓިވްވެއްޖެެއެވެ.

ރިޕޯޓްތައް ދައްކާގޮތުން އިންޑިއާއިިން ބުދަ ދުވަހު އެކަނި 2،000ށް ވުރެ ގިނަ މީހުން ވަނީ ކޮވިޑް-19 ޖެހިގެން މަރުވެފައެވެ. މިއީ މިހާތަނަށް އެއްދުވަހާ އެންމެ ގިނަ މީހުން މަރުވެގެން ރިޕޯޓްކުރެވުނު ދުވަހެވެ.

އިންޑިއާއިން މިމަހު އެކަނި 3.5 މިލިއަން މީހުން ކޮވިޑަށް ޕޮޒިޓިވްވެފައިވާއިރު، އެގައުމުގެ ކޮވިޑް ކޭސްތައް އިންތިހާއަށް މައްޗަށް ޖެހިފައި މިވަނީ އެގައުމުން ފެނުނު ކޮވިޑްގެ އައު ވޭރިއަންޓާ އެކުއެވެ. ކޮވިޑްގެ މި އައު ރާޅާއިއެކު އިންޑިއާގެ ހޮސްޕިޓަލްތަކަށް ބާރުބޮޑުވެ އެއް އެނދެއްގައި ދެމީހުންނަށް ދަނީ ފަރުވާދެމުންނެވެ. އަދި އޮކްސިޖަން މަދުވެ ފަރުވާދިނުމުގައި ގިނަ ގޮންޖެހުންތަކަކާ ވަނީ ކުރިމަތިލާން ޖެހިފައެވެ.

މިއަހަރުގެ ކުރީކޮޅު އިންޑިޔާގައި ދުވާލެއްގެ މައްޗަށް ކޮވިޑް ޖެހޭ މީހުންގެ އަދަދު ހުރީ 10،000ށް ވުރެ ދަށުގައެވެ. ނަމަވެސް އޭޕްރީލް މަހުގެ 2 ވަނަ ދުވަހުން ފެށިގެން އެގައުމުގެ ހާލަތު ވަނީ ވަރަށް ބޮޑަށް ގޯސްވެފައެވެ. އިންޑިޔާގެ އެކި ހިސާބުތަކުގައި މި ބަލި ފެތުރިފައިވާއިރު މަހަރާޝްތްރާ، ކެރެލާ، ކަރްނާޓަކާ، އަދި ޓެމިލް ނާޑޫން ފެނިފައިވާ ކޭސްތަކުގެ އަދަދު ދަނީ ކޮންޓްރޯލް ނުކުރެވި އިތުރު ވަމުންނެވެ. 

ދުނިޔޭގައި މިވަގުތު ކޮވިޑްގެ ހާލަތު އެންމެ ގޯސްވެފައިވާ އަނެއް ދެގައުމުކަމުގައިވާ ބްރެޒިލް އާއި އެމެރިކާ ގައި ދުވާލެއްގެ މައްޗަށް ފެންނަ ކޭސްތަކަށްވުރެ އިންޑިޔާގައި ފެންނަ ކޭސްތައް ދެގުނަ އިތުރެވެ. ނަމަވެސް މީހުން މަރުވާ ރޭޓް އަނެއް ދެގައުމާ އަޅާބަލާއިރު މަދެވެ.

ކޭސްތައް އިތުރުވަމުން އައި ނަމަވެސް އެގައުމުގައި ކުރިޔަށްގެންދާ ހިންދީ ދީނުގެ ބޮޑެތި ހަރަކާތްތަކަށް ހުއްޓުމެއްނާދެއެވެ. މިހަރަކާތްތަކުގައި 650،000ށް ވުރެ ގިނަ މީހުން ބައިވެރިވެފައިވާކަމަށް ރިޕޯޓްތައް ބުނެއެވެ. މި ހަރަކާތްތަކުގައި ގައިދުރުކަމެއް ނޯންނައިރު މާސްކު އެޅުމެއް ވެސް ނޯވެއެވެ.

އަނެއްކޮޅުން ހަތަރު ސްޓޭޓެއްގައި ބޭއްވި އިންތިޚާބުތަކުގެ ކެމްޕެއިން ހަރަކާތްތަކާ ގުޅިގެން ވެސް ކޭސްތައް ވަނީ އިތުރުވެފައެވެ.

އިންޑިއާގެ ކޮވިޑްގެ ކޭސްތައް އިތުރުވުމާއި ގުޅިގެން އެގައުމުގެ ބޮޑުވަޒީރު ނަރެންދުރަ މޯދީ ވިދާޅުވީ އެގައުމު މިވަނީ އަނެއްކާވެސް ބަލިމަޑުކަމުގެ ބޮޑު ހަނގުރާމައަކާއި ކުރިމަތިލާފައި ކަމަށެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އިމާދު ލަތީފް
0%
0%
0%
0%
0%
0%
ކޮމެންޓް