ވަގުތު އިތުރުކުރުމަށް ނިންމާފައިވާ 51 ފޮށި ހާމަކޮށްފި
10 އެޕްރީލު 2021 | ހޮނިހިރު 13:37ވިލުފުށީގައި ބަހައްޓާފައިވާ ދެ ފޮށި ބަންދުކުރުމަށް ހަމަޖެހިފައިވަނީ މިރޭ 21:50ގައި
ލޯކަލް ކައުންސިލް އިންތިޚާބުގައި މީހަކު ވޯޓުލަނީ
މިހާރު ކުރިއަށްދާ ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބުގައި ވޯޓުލުން ފެށުން ލަސްވެފައިވާތީ ބައެއް މަރުކަޒުތަކުގައި ވޯޓުލާ ވަގުތު އިތުރުކުރުމަށް ކޮމިޝަނުން ނިންމައިފިއެވެ.
އެގޮތުން 51 ވޯޓު ފޮއްޓެއްގެ ވަގުތު އިތުރުކުރުމަށް އީސިން ވަނީ ނިންމާފައެވެ. މީގެތެރެއިން ވިލުފުށީގައި ބަހައްޓާފައިވާ ދެ ފޮށި ބަންދުކުރުމަށް ހަމަޖެހިފައިވަނީ 21:50ގައެވެ.
އީސީން ބުނެފައިވަނީ ފޮށިތައް ބަންދުކުރާނީ 10 ގަޑިއިރު ހަމަވުމަށްފަހުކަމަށެވެ. ވޯޓުލާން ތިބި އެންމެން ވޯޓު ލުމަށްފަހު ކޮވިޑަށް ޕޮޒިޓިވް މީހުންނާއި ކަރަންޓީނުގައި ތިބި މީހުންނަށް ވޯޓު ލުމުގެ ފުރުސަތު ދިނުމަށް ވަނީ ހަމަޖެހިފައެވެ.
