ކ. މާލެ
|
9 އޭޕްރިލް 2021 | ހުކުރު 22:58
ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު
ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު
ރައީސް އޮފީސް
ޕޮލިސް ބޯޑު އެކުލަވާލުން
"ޕޮލިސް ބޯޑު" އެކުލަވާލައްވައިފި
 
ބޯޑުގައި ރައީސުލްޖުމްހޫރިއްޔާ ޢައްޔަންކުރައްވާ ދެ މެންބަރުން ތިއްބަވާ
 
ޕޮލިސް ބޯޑު އެކުލެވިގެން ވަނީ ހަތް މެންބަރުންގެ މައްޗަށް
 
ބޯޑު އެކުލަވާލައްވާފައި ވަނީ އެޕްރީލް 9 ވަނަ ދުވަހު

ރައީސުލްޖުމްހޫރިއްޔާ އިބްރާހީމް މުޙައްމަދު ސާލިހު، "ޕޮލިސް ބޯޑު" އެކުލަވާލައްވައިފިއެވެ.

މި ބޯޑު އެކުލަވާލައްވާފައި ވަނީ ދިވެހި ފުލުހުންގެ ޚިދުމަތުގެ ގާނޫނުގެ 75 ވަނަ މާއްދާގެ (ހ) ގައިވާ ގޮތުގެމަތިން، އެޕްރީލް 9 ވަނަ ދުވަހުއެވެ.

ރައީސް ސާލިހު އެކުލަވާލެއްވި ބޯޑުގައި ހިމެނިވަޑައިގަންނަވަނީ، މ.ހަޒާރީވިލާ، އަޙްމަދު ފަޔާޒް ހަސަން އާއި ހ.ނޫމުތީ، ޢާއިޝަތު ނޫރާ މުހައްމަދުގެ އިތުރުން މއ.މަނާގެ، ޢަލީ ފާއިޒާއި މއ.ގޯލްޑަންމޫން، އަހުމަދު ނާޝިދާާއި ގ.ޑިމްލައިޓް، އާދަމް އިބްރާހީމާއި ހ.ޝޭޑީކޯނަރ، ހާމިދު ޢަބްދުލްޣަފޫރުގެ އިތުރުން ދެތަޑިމާގެ/ސ.ހުޅުދޫ، ސަފާ ޝަރީފެވެ.

އަލަށް އަމަލުކުރަން ފެށުނު ފުލުހުންގެ ޚިދުމަތުގެ ގާނޫނުގެ މައްޗަށް އަލިއަޅުވާލައްވައި ރައީސް ވަނީ މި ގާނޫނުގެ ސަބަބުން ފުލުހުންގެ ޚިދުމަތް އިތުރަށް ކުރިއަރުވައި ތަރައްގީކުރުމަށް މަގުފަހިވެގެންދާނެކަމަށް ވިދާޅުވެފައެވެ. އަދި މަދަނީ ޚިދުމަތެއްގެ ގޮތުގައި ފުލުހުންގެ ޚިދުމަތް ބަދަލުވުމަށްފަހު އެޅުނު އެންމެ ހަރުދަނާ ފިޔަވަޅަކީ ފުލުހުންގެ ގާނޫނީ އޮނިގަނޑަށް ދާދިފަހުން ގެނެވުނު ބަދަލުކަމަށް ރައީސް ވިދާޅުވިއެވެ.

އައު ގާނޫނުގެ ބޭނުމަކީ ވެސް މިނިވަން ޒިންމާދާރު މުއައްސަސާއެއްގެ ގޮތުގައި، ފުލުހުންގެ ޚިދުމަތް ތަރައްގީކޮށް، ފުލުހުންނަށް ބޭނުންވާ ގާނޫނީ ރައްކާތެރިކަމާއި، ގާނޫނީ ބާރާއި، ގާނޫނީ ހައިސިއްޔަތު، ފުލުހުންގެ ލިބިދިނުން ކަމުގައި ރައީސް ވިދާޅުވިއެވެ.

ޕޮލިސް ބޯޑުގައި ހިމެނެނީ ރައީސުލްޖުމްހޫރިއްޔާ ޢައްޔަންކުރައްވާ ދެ މެންބަރުންނާއި، ފަންނީ ދާއިރާއަކުން ތައުލީމާއި ތަޖުރިބާ ލިބިފައިވާ ތިން މެންބަރުންނާއި، ޢާންމުކޮށް ހުޅުވާލައިގެން އާންމު ރައްޔިތުންގެ ތެރެއިން، ކުރިމަތިލާ 2 މެންބަރުންނެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އިމާދު ލަތީފް
0%
100%
0%
0%
0%
0%
ކޮމެންޓް