އިންސާފުވެރި ދެފުށް ފެންނަ އިންތިޚާބެއް ބޭއްވުމަށް އިލްތިމާސްކޮށްފި
7 އެޕްރީލު 2021 | ބުދަ 07:25އިންސާފުވެރި ހަމަހަމަ އިންތިޚާބެއް ބޭއްވުމަށް އީސީއަށް އިލްތިމާސް ކުރައްވާކަމަށް ރައީސް ނަޝީދު ވިދާޅުވި
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު
ކުރިޔަށް އޮތް ކައުންސިލް އިންތިޚާބަކީ ދެފުށް ފެންނަ އިންސާފުވެރި އިންތިޚާބަކަށް ހެދުމަށް ރައްޔިތުންގެ މަޖިލީހުން އިލެކްޝަންސް ކޮމިޝަން (އީސީ)އަށް އިލްތިމާސްކޮށްފިއެވެ.
ބުދަ ދުވަހުގެ ޖަލްސާ ފައްޓަވަމުން ވާހަކަދައްކަވަމުން ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވީ މިޖަލްސާއަކީ ކައުންސިލް އިންތިޚާބުގެ ކުރިން ބާއްވާ އެންމެ ފަހު ޖަލްސާކަމަށެވެ. އެހެންކަމުން އިންސާފުވެރި ހަމަހަމަ އިންތިޚާބެއް ބޭއްވުމަށް އީސީއަށް އިލްތިމާސްކުރައްވާކަމަށް ރައީސް ނަޝީދު ވިދާޅުވިއެވެ.
ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު ބޭއްވުމަށް ހަމަޖެހިފައިވަނީ އޭޕްރީލް މަހުގެ 10 ވަނަ ދުވަހުއެވެ. ކޮވިޑާއި ގުޅިގެން އިންތިޚާބު ފަސްކުރުމަށްފަހު އެންމެ ފަހުން މަޖިލީހުން ފާސްކުރި ގާނޫނެއްގެ ދަށުން އިންތިޚާބު ބޭއްވުމަށް ތައްޔާރުވަމުން އަންނައިރު އީސީން އަންނަނީ އިންތިޚާބަށް އެންމެ ފަހުގެ ތައްޔާރީތައްވަމުންނެވެ.
