ގައިދީންނާއި ބަންދު މީހުންނަށް ފައިސާ ފޮނުވާ އުސޫލަށް ބަދަލު ގެނައުމަށް މޯލްޑިވްސް ކަރެކްޝަނަލް ސާވިސް އިން ނިންމައިފިއެވެ.

ކަރެކްޝަންސްއިން މި ގޮތަށް ނިންމާފައިވަނީ، ދައުލަތުގެ އިދާރާތަކަށް ބަލައިގަންނަ ފައިސާ ބަލައިގަތުން ހުއްޓާލާ، ބަނޑޭރި ޕޭ މޯބައިލް ޕޮއިންޓް އޮފް ސޭލް މެދުވެރިކޮށް ބަލައިގަތުމަށް، ފިނޭންސް މިނިސްޓްރީން ނިންމާފައިވާތީއެވެ.

ކަރެކްޝަންސް އިން ބުނީ، އެ އިދާރާގެ ޚިދުމަތް ހޯދާ ފަރާތްތަކާއި، ގައިދީންނާއި ބަންދު މީހުންނަށް، ފިނޭންސް މިނިސްޓްރީން ގާއިމު ކޮށްފައިވާ "ބަނޑޭރި ޕޭ" އޮންލައިން ޕޯރޓަލް މެދުވެރިކޮށް ފައިސާ ފޮނުވޭ ގޮތް ހަމަޖެއްސުމަށް ނިންމާފައި ވާކަމަށެވެ.

ކަރެކްޝަންސް އިން މި އުސޫލަށް އަމަލުކުރަން ފަށަނީ، އޭޕްރީލް ނުވަ ވަނަ ދުވަހުން ފެށިގެންނެވެ.