ރޯދަމަހާ ދިމާކޮށް ރެޑްވޭވުން ބައެއްތަކެތި އަނެއްކާވެސް އަގުހެޔޮކޮށްފި

ކޮންމެ އަހަރަކުވެސް ރަމަޟާންމަހާ ދިމާކޮށް ކާބޯތަކެތީގެ އަގު ބޮޑުވެގެންދާއިރު، ރެޑްވޭވުން މިވަނީ ކާބޯތަކެތި އެންމެ ހެޔޮއަގުގައި ރައްޔިތުންނަށް ފޯރުކޮށްދިނުމުގެ މަސައްކަތް ފަށާފައެވެ. މީގެ ހަފުތާއެއްހާ ދުވަސްކުރިން ފިޔާ، އަލުވި އަދި ބިހުގެ އަގު ހެޔޮކޮށްފައިވާއިރު، މިފަހަރު އަނެއްކާވެސް އިތުރު ބައެއް ތަކެތީގެ އަގަށް ހެޔޮ ބަދަލުތަކެއް ވަނީ ގެނެސްފައެވެ.

ގޭބިސީތަކުގައި އެންމެ އާންމުކޮށް ރޯދަމަހަށް ބޭނުންވާ ތަކެތީގެ ތެރެއިން އޮރެންޖު، ކެރެޓު، އިނގުރު، ލޮނުމެދު އަދި ލުނބޯގެ އަގު ރެޑްވޭވުން ހެޔޮކޮށްފައިވާއިރު އޮރެންޖެއް 3 ރުފިޔާއަށް، ކެރެޓު ކިލޯއެއް 25 ރުފިޔާއަށް އަދި އިނގުރު ކިލޯއެއް 45 ރުފިޔާއަށް ވިއްކަމުންދާނެ ކަމަށް ރެޑްވޭވުން ބުނެއެވެ. ލޮނުމެދު ކިލޯއެއް 35 ރުފިޔާއަށް، ލުނބޯ ކިލޯއެއް 30 ރުފިޔާއަށް ވަނީ ހެޔޮ ކޮށްފައެވެ. މިތަކެތި މި އަގުތަކުގައި ރޯދަމަހުގައިވެސް ހިފެހެއްޓުމަށް ރެޑްވޭވުން އަމާޒު ހިފާފައިވާ ކަމަށް އެ ކުންފުނިން ބުންޏެވެ.

ރެޑްވޭވުގެ އަމާޒަކީ އެންމެ ހެޔޮއަގުގައި ކާބޯތަކެތި ރައްޔިތުންނަށް ފޯރުކޮށްދިނުން ކަމަށް ރެޑްވޭވުން ބުނެއެވެ.