ރޯދަމަހަކީ އެހެން މަސްމަހާ ޚިލާފަށް ކާބޯތަކެތި ގިނައިން ގަންނަންޖެހޭ މަހެކެވެ. ގިނަ ގޭބިސީތަކުން ގަނޑުކޮށް ފިޔާ އަދި ބިސް ފަދަ ތަކެތި ގަންނައިރު ޢާންމުގޮތެއްގައި ރޯދައާ ދިމާކޮށް މިތަކެތީގެ އަގުވެސް ބޮޑުވާކަން ފާހަގަކުރެވެއެވެ. އެހެންނަމަވެސް ރެޑްވޭވުން މިވަނީ ޚާއްސަ އަގުތަކެއްގައި ބިސް، ފިޔާ އަދި އަލުވި ވިއްކުމުގެ މަސައްކަތް ފަށައިފައެވެ.
މިހާރުވެސް ބިހުގެ އަގުވަނީ 1.50ރ އަށް ހެޔޮކޮށް ވިއްކަން ފަށާފައެވެ. އަދި މިއާއެކު، ފިޔާ އަދި އަލުވީގެ އައު ޝިޕްމަންޓެއް ލިބުމާއެކު، ވަރަށް ބޮޑުތަނުން އަގުހެޔޮ ކުރާނެ ކަމަށާއި، ރޯދަ މަހުގެ ނިޔަލަށް މިތަކެތީގެ އަގު އެއް ހަމައެއްގައި ހިފެހެއްޓުމަށް މަސައްކަތް ކުރާނެ ކަމަށް ރެޑްވޭވް އިން ވަނީ ބުނެފައެވެ.
ކޮވިޑްގެ ބަލިމަޑުކަމުގައި އިގްތިޞާދަށް އައިސްފައިވާ ހީނަރުކަމާއެކު ވެސް ރެޑްވޭވުގެ އަމާޒަކީ ޒަރޫރީ ކާބޯތަކެތި އެންމެ ހެޔޮއަގުގައި ކަސްޓަމަރުންނަށް ފޯރުކޮށްދިނުމެވެ. މީގެ އިތުރުން ވެސް ރޯދަމަހާ ދިމާކޮށް ހައިސެންސް އަދި ޝާރޕް ބްރޭންޑުގެ އިލެކްޓްރޯނިކްސްގެ އިތުރުން ރޯދައަށް ހާއްސަ ގިނަ އައިޓަމްތަކެއް ވަރަށް ހެޔޮއަގުގައި ލިބިގެންދާނެކަމުގައި ރެޑްވޭވް އިން ވަނީ ބުނެފައެވެ.
އާންމުގޮތެއްގައި ރޯދަމަހާ ދިމާކޮށް މިތަކެތީ އަގު ބޮޑުވާ ކަމުގެ ޝަކުވާ އާންމުން ކުރެއެވެ.
