ރާއްޖެ
ކަދުރު ހަދިޔާކުރުން
ސަޢުދީ އަރަބިއްޔާއިން 25 ޓަނުގެ ކަދުރު ރާއްޖެއަށް ހަދިޔާކޮށްފި
އެހެން އަހަރު ތަކުގައި 50 ޓަނުގެ ކަދުރު ސައުދީން ހަދިޔާކުރޭ
ސިމާހާ ނަސީމް, ރާއްޖެ އެމްވީ | 29 މާރިޗު 2021 | ހޯމަ 08:28
ކަދުރު ހަދިޔާކުރުން
ސަޢުދީ އަރަބިއްޔާގެ ފަރާތުން 25 ޓަނުގެ ކަދުރު ރާއްޖެއަށް ހަދިޔާކޮށްފިއެވެ.
ސައުދީއިން ހަދިޔާ ކުރި ކަދުރާ އިސްލާމިކް މިނިސްޓްރީގެ ފަރާތުން ހަވާލުވެލެއްވީ މިނިސްޓަރ އޮފް އިސްލާމިކް އެފެއާޒް ޑރ. އަހުމަދު ޒާހިރު އަލީއެވެ.
އެހެން އަހަރުތަކުގައި 50 ޓަނުގެ ކަދުރު ހަދިޔާ ކުރާއިރު މިފަހަރު ހަދިޔާކޮށްފައިވަނީ 25 ޓަނުގެ ކަދުރެވެ. އާންމު ގޮތެއްގައި ސައުދީން ރާއްޖެއަށް ކަދުރު ހަދިޔާކުރަނީ ރޯދަމަހާ ދިމާކޮށެވެ. މިދިޔަ އަހަރު ކަދުރު ބަހާފައިވަނީ ފަގީރުންނަށް އިސްކަން ދީގެންނެވެ.
މިދިޔަ އަހަރު ރާއްޖޭގެ ފަގީރުންގެ ދަފްތަރުގައި 16،209 މީހުން ރަޖިސްޓްރީވެފައިވެއެވެ. އަދި މާލޭގައި ފަގީރުންގެ ގޮތުގައި ރަޖިސްޓްރީވެފައި ވަނީ 3،300 މީހުންނެވެ.
