ކ. މާލެ
|
25 މާރޗް 2021 | ބުރާސްފަތި 17:32
ސުޕްރީމް ކޯޓް
ސުޕްރީމް ކޯޓް
މަހޯލި މައްސަލަ އިސްތިއުނާފުކުރުން
އިންފޮމޭޝަން ކޮމިޝަނަރުގެ ނިންމުން ހައިކޯޓުގައި އިސްތިއުނާފު ނުކުރެވޭ މައްސަލަ ސުޕްރީމް ކޯޓަށް
 
ބަންޑާރަ ނައިބު ވިދާޅުވީ، ހައިކޯޓުގެ ހުކުމަކީ ޤާނޫނު އަސާސީން ލިބިދޭ އިސްތިއުނާފުކުރުމުގެ ހައްގު ގެއްލޭ ގޮތަށް ނިންމާފައިވާ ނިންމުމެއްކަމަށް
 
އާންމު މަސްލަހަތަށް ބަލައި އެކަން ސުޕްރީމް ކޯޓުގައި އިސްތިއުނާފުކުރުމަށް އޭޖީން ވަނީ ނިންމާފައި

އިންފޮމޭޝަން ކޮމިޝަނަރު ނިންމަވާފައިވާ ނިންމެވުމެއް، އިސްތިއުނާފީ މައްސަލައެއްގެ ގޮތުގައި ބެލުމުގެ އިހްތިސާސް، ހައިކޯޓަށް ލިބިގެން ނުވާކަމަށް، އެ ކޯޓުން ނިންމާފައިވާތީ، އެކަން ސުޕްރީމް ކޯޓަށް ހުށަހެޅުމަށް ބަންޑާރަނައިބުގެ އޮފީހުން ނިންމައިފިއެވެ.

މާޗު މަހުގެ 21 ވަނަ ދުވަހު ހައިކޯޓުން ކުރި ހުކުމްގައި ބުނެފައިވަނީ، ކޯޓުތަކުގެ ޤާނޫނުން ހައިކޯޓަށް ލިބިދީފައިވާ އިހްތިސާސަށް ބަލާއިރު، މި ނިންމުން ނިންމާފައިވަނީ ދަށު ކޯޓަކުންތޯ ނުވަތަ ޓްރައިބިއުނަލަކުންތޯ ބަލަން ޖެހޭކަމަށެވެ. ނަމަވެސް އިންފޮމޭޝަން ކޮމިޝަނަރަކީ ދަށު ކޯޓެއް ނުވަތަ ޓްރައިބިއުނަލެއް ކަމަށް ބެލޭނެ ޖާގައެއް ނެތް ކަމަށް ހައިކޯޓުން ކުރި ހުކުމުގައި ވެއެވެ.

މި މައްސަލައަކީ، އިންފޮމޭޝަން ކޮމިޝަނަރު ނިންމަވާފައިވާ ނިންމެވުމެއް، މާލޭ ވޯޓަރ އެންޑް ސްވަރޭޖް ކޮމްޕެނީ ޕްރައިވެޓް ލިމިޓެޑް (އެމްޑަބްލިއުއެސްސީ) ގެ ފަރާތުން، ހައިކޯޓުގައި އިސްތިއުނާފު ކުރުމުން އެ ކޯޓުން ބަލާފައިވާ މައްސަލައެކެވެ.

މިކަމާއި ގުޅިގެން ބަންޑާރަ ނައިބު އިބްރާހިމް ރިއްފަތު ވިދާޅުވީ، ހައިކޯޓުގެ މި ހުކުމަކީ، ޤާނޫނު އަސާސީން ލިބިދޭ އިސްތިއުނާފުކުރުމުގެ ހައްގު ގެއްލޭ ގޮތަށް ނިންމާފައިވާ ނިންމުމެއް ކަމަށެވެ. އަދި އާންމު މަސްލަހަތައް ބަލައި، ޤާނޫނު އަސާސީގެ 56 ވަނަ މާއްދާއާއި 133 ގެ (ރ) އަދި (ބ) އަށް ރިއާޔަތްކޮށް އެމައްސަލަ ސުޕްރީމް ކޯޓުގައި އިސްތިއުނާފު ކުރަން ނިންމާފައި ވާކަމަށެވެ.

ޤާނޫނު އަސާސީގެ 56 ވަނަ މާއްދާގައި ބުނެފައިވަނީ، ޖިނާއީ މައްސަލަތަކުގައްޔާއި، މަދަނީ މައްސަލަތަކުގައި އިއްވާ ހުކުމްތަކާއި ނެރޭ ކޯޓުގެ އަމުރުތައް އިސްތިއުނާފަށް ހުށަހެޅުމުގެ ހައްގު މައްސަލައާއި ގުޅުން ހުރި ކޮންމެ މީހަކަށް ލިބިގެން ވާކަމަށެވެ.

މީގެ އިތުރުން 133 ވަނަ މާއްދާގެ (ރ) ގެ އިބާރާތުގައި ބުނެފައި ވަނީ، މަދަނީ މައްސަލަ ތަކުގެ ތެރެއިން ސަރުކާރު ޝާމިލުނުވާ މައްސަލަތަކުގައި ވެސް، ދައުލަތުގެ މަސްލަހަތެއް ނުވަތަ އާންމު މަސްލަހަތެއް ހިމެނޭ ކަމަށް ބަންޑާރަނައިބަށް ފެނިއްޖެ ކޮންމެ މައްސަލައެއްގައި ކޯޓަށް ހާޒިރުވެ ވާހަކަ ދެއްކިދާނެ ކަމަށެވެ. އަދި އެ މާއްދާގެ (ބ) ގައި ބުނެފައިވަނީ، ގާނޫނުގެ ވެރިކަން ނަގަހައްޓައި، ހިމާޔަތްކޮށް ކުރިއެރުވުމަށާއި ރައްޔިތުންގެ ސަލާމަތާއި، ރައްޔިތުންގެ މަންފާއާއި، އާންމު މިނިވަންކަން ދިފާއުކުރުމަށް ބަންޑާރަނައިބު މަސައްކަތް ކުރަންވާނެ ކަމަށެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ޒަމްޢަތު އަޙްމަދު ވަހީދު
0%
0%
0%
0%
0%
0%
ކޮމެންޓް
ގުޅުންހުރި
ސުޕްރީމް ކޯޓުގެ ޙުކުމާއެކު އީސީންވެސް ޝިޔާމްގެ ނަން އުނިކޮށް އަލުން ލިސްޓު ނެރެފި
ސާބިތު ދަރަންޏެއް އޮތުމުން ހަސަން ޝިޔާމަށް ވާދަނުކުރެވޭނެ ކަމަށް ސުޕްރީމް ކޯޓުން ނިންމައިފި
ހެކިބަސް ނަގާފައި ބަންދުން ދޫކޮށްލާ މީހާގެ ނުފޫޒުން ހެކިން ލައްވައި ޝަރީޢަތަށް ސިޓީ ފޮނުވުން ވަނީ ގިނަވެފައި: ހައިކޯޓު
އިރުފާން ތަޤިއްޔު ޝަރީއަތް ނިމެންދެން ބަންދުކުރުމަށް ކްރިމިނަލް ކޯޓުން އަމުރުކޮށްފި
ޖަލު ބަންދުގައި ތިބޭ މީހުން ޝަރުތުތަކާއެކު ގޭބަންދުކުރުމަށް ކުރާ އަމުރާ އެއްގޮތަށް ޢަމަލުކުރާކަން ދައުލަތުގެ އިދާރާތަކުން ކަށަވަރުކުރެވޭނެ ހަރުދަނާ އުޞޫލެއް ނެތް: ހައިކޯޓު
ގްރޫމްކޮށްގެން ކުޑަކުއްޖަކަށް ޖިންސީ ގޯނާކުރިކަމަށް ތުހުމަތުވާ މީހާ ޝަރުތުތަކާއެކު ދޫކޮށްލަން ނިންމި ނިންމުން ބާތިލުކޮށްފި
"ކޯޓުތަކަށް ވަސީލަތްތައް ހޯދައިނުދީ ޝަރީޢަތްތައް އަވަސްކުރަން އުއްމީދުކުރުމަކީ، ބިމުގައި ހުރެގެން ހަނދުގައި އަތްލާން އުޅުންފަދަ ކަމެއް"
ގާސިމްގެ ގާތިލު އަދުހަމް މަރަން ކުރި ޙުކުމުގެ ސައްޙަކަން ކަނޑައެޅުމަށް ހައިކޯޓަށް ހުށަހަޅައިފި