އިންޓަރނޭޝަނަލް 30 އެއަރލައިނަކުން ދަނީ ރާއްޖެއަށް އޮޕަރޭޓްކުރަމުން

މާރޗް މަހުގެ 17 ވަނަ ދުވަހުގެ ނިޔަލަށް އިންޓަނޭޝަނަލް 30 އެއަރލައިނަކުން ރާއްޖެއަށް ދަތުރުކުރާ ކަމަށް ޓޫރިޒަމް މިނިސްޓްރީން ހާމަކޮށްފިއެވެ.

ޓޫރިޒަމް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާގޮތުން ދުނިޔޭގެ ބޮޑެތި ގިނަ އެއަރލައިންތަކަކުން މިހާރު ރާއްޖެއަށް ދަތުރުކުރެއެވެ.

އެގޮތުން ރާއްޖޭގެ ބޯޑަރު ހުޅުވާލުމާއެކު އެންމެ ފުރަތަމަ ރާއްޖެއަށް ދަތުރުކުރަން ފެށި އެއަރލައިނަކީ ގަތަރު އެއަރލައިނެވެ.

މީގެ އިތުރުން ރާއްޖެއަށް މިހާރު ދަތުރުކުރާ އެއަރލައިން ތަކަކީ؛

މިހާރު ރާއްޖެއަށް ދަތުރުކުރާ ގިނަ އެއަރލައިންތަކެއްގެ ޑިމާންޑް އިތުރުވުމާއިއެކު އެ އަރލައިންތަކުން ރާއްޖެއަށް ކުރާ ދަތުރުތައް ވަނީ އިތުރުކޮށްފައެވެ. އަދި ރާއްޖެއަށް އިންޓަރނޭޝަނަލް 9 އެއަރލައިނަކުން ޗާޓަރު ދަތުރުތައް ކުރަމުންދާ ކަމަށް މިނިސްޓްރީގެ ތަފާސްހިސާބުތައް ދައްކައެވެ. އެއީ

އަހަރުގެ މިހާތަނަށް ރާއްޖެއަށް 243,979 ފަތުރުވެރިން އައިސްފައިވާ ކަމަށް ޓޫރިޒަމް މިނިސްޓްރީގެ ތަފާސްހިސާބުތަކުން ދައްކާއިރު، މިހާތަނަށް އެންމެ ގިނަ އަދަދެއްގެ ފަތުރުވެރިން ރާއްޖެ އައިސްފައި ވަނީ އިންޑިއާއިންނެވެ. އެގައުމުން 57,965 ފަތުރުވެރިން ވަނީ ރާއްޖެ އައިސްފައެވެ. އަދި ރަޝިއާއިން 52,902 ފަތުރުވެރިން އައިސްފައިވާއިރު، ޔޫކްރޭނުން ރާއްޖެ އައިސްފައި ވަނީ 15,940 ފަތުރުވެރިންނެވެ.

ހަތަރު ވަނައަށް އެންމެ ގިނަ އަދަދެއްގެ ފަތުރުވެރިން އައި ގައުމެއްގެ ގޮތުގައި ފާހަގަކުރެވިފައި ވަނީ ކަޒަކަސްތާނެވެ. އެގައުމުން 10,488 ފަތުރުވެރިން ރާއްޖެ އައިސްފައިވާކަށް ރިޕޯޓްކޮށްފައިވެއެވެ. މީގެ އިތުރުން ޖަރުމަނުން 10,393 ފަތުރުވެރިން ރާއްޖެ އައިސްފައިވާއިރު، ރޫމޭނިއާއިން އައިސްފައި ވަނީ 8,394 ފަތުރުވެރިންނެވެ. އަދި ޗެކްރިޕަބްލިކުން 6,576 ފަތުރުވެރިން، ފްރާންސުން 6,185 ފަތުރުވެރިން، އެމެރިކާއިން 5،950 ފަތުރުވެރިން އަދި ސްވިޒަލޭންޑުން 5,931 ފަތުރުވެރިން އައިސްފައިވާ ކަމަށް ރިޕޯޓްކޮށްފައިވެއެވެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން މާރޗް ހަތަރު ވަނަ ދުވަހުގެ ނިޔަލަށް ރާއްޖޭގެ 677 ޓޫރިސްޓު ފެސިލިޓީއެއް އޮޕަރޭޓްކުރަން ފަށާފައިވާއިރު، ފަތުރުވެރިންނަށް ޚިދުމަތްދިނުމަށް 45,435 އެނދު މިހާރު ދަނީ އޮޕަރޭޓްކުރަމުންނެވެ.

އެގޮތުން މިހާތަނަށް 149 ރިސޯޓެއް އޮޕަރޭޓްކުރާއިރު، ރިސޯޓްތަކުގައި ފަތުރުވެރިންނަށް ޚިދުމަތް ދިނުމަށް 34,344 އެނދު ދަނީ އޮޕަރޭޓްކުރަމުންނެވެ. މިހާތަނަށް 391 ހޮޓަލް އަދި ގެސްޓްހައުސް ގައި 8،392 އެނދު އޮޕަރޭޓްކުރަން ފަށާފައިވާއިރު، 137 ސަފާރީއެއްގައި 2,699 އެނދު ދަނީ އޮޕަރޭޓް ކުރަމުންނެވެ.

ފާއިތުވި އަހަރުގެ މާރޗް 27 ވަނަ ދުވަހު ރާއްޖޭގެ ބޯޑަރު ބަންދުކުރުމަށްފަހު ޖުލައި 15 ވަނަ ދުވަހު ބޯޑަރު އަލުން ހުޅުވާލިއިރު، ފަތުރުވެރިންނަށް ޚިދުމަތްދިނުމުގެ ހުއްދަ ލިބިގެންދިޔައީ ހަމަ އެކަނި ރިސޯޓްތަކަށާއި ސަފާރީތަކަށެވެ. އަތޮޅުތެރޭގެ ރަށްތަކުގެ ގެސްޓް ހައުސްތައް ހުޅުވުމުގެ ފުރުސަތު 2020ގެ އޮކްޓޫބަރ 15 ވަނަ ދުވަހު ދީފައިވާއިރު، މާލެ ސަރަހައްދުގެ ގެސްޓް ހައުސްތައް ހުޅުވާފައިވަނީ އެއަހަރުގެ ޑިސެމްބަރ 14 ވަނަ ދުވަހުއެވެ.

ކޮވިޑް-19ގެ ސަބަބުން ރާއްޖޭގެ ފަތުރުވެރިކަމަށް ގިނަ ގޮންޖެހުންތަކަކާއި ކުރިމަތިލާންޖެހުނު ނަމަވެސް 2020 ވަނަ އަހަރު ވެގެން ގޮސްފައި ވަނީ ބައިނަލްއަގްވާމީ މަސްރަހުގައި ރާއްޖޭގެ ކާމިޔާބު އަހަރަކަށެވެ. އެގޮތުން އަހަރު ނިމުނުއިރު ރާއްޖެއަށް 555,494 ފަތުރުވެރިން އައިސްފައިވެއެވެ. ފަތުރުވެރިކަމުގެ އެންމެ ޝަރަފުވެރި އެއް އެވޯޑްކަމަށްވާ ވޯލްޑް ޓްރެވަލްސް އެވޯޑްގެ ވޯލްޑް ލީޑިން ޑެސްޓިނޭޝަން ރާއްޖެއިން ވަނީ ކާމިޔާބުކޮށްފައެވެ. އަދި އަހަރު ނިމުނުއިރު ރާއްޖޭގެ ފަތުރުވެރިކަމަށް އައު ގިނަ މާކެޓްތަކެއްވެސް ވަނީ ތައާރަފްވެފައެވެ.