ހަފްތާއަކު ހަތަރު ދުވަހު ޑާކާއަށް ސީދާ ދަތުރުތައް ބާއްވަނީ
ޑާކާއަށް ދިޔުމަށް އެއްކޮޅު ޓިކެޓުގެ ފެށޭ އަގަކީ 433 ޑޮލަރު
މޯލްޑިވިއަންގެ ފްލައިޓެއް
ހަފްތާއަކު ހަތަރު ދުވަހު މިހާރު ޑާކާއަށް ސީދާ ދަތުރުތައް ކުރާނެ ކަމަށް ގައުމީ އެއަރލައިން މޯލްޑިވިއަނުން ބުނެފިއެވެ.
މޯލްޑިވިއަނުން ބުނީ މިމަހުގެ 17 އިން ފެށިގެން ޑާކާއަށް ހަފްތާއަކު 4 ފްލައިޓު ބާއްވާނެ ކަމަށާއި އާދީއްތަ އަންގާރަ އަދި ހުކުރު ދުވަހު މިހާރު ވެސް ފްލައިޓް ބާއްވާއިރު، 17 ވަނަ ދުވަހުން ފެށިގެން ކޮންމެ ހަފްތާއެއްގެ ބުދަ ދުވަހު ވެސް ފްލައިޓު ބާއްވާނެ ކަމަށެވެ.
މޯލްޑިވިއަންއިން ޑާކާއަށް ސީދާ ދަތުރުތައް އަލުން ފަށަން ނިންމާފައިވާއިރު ކޯވިޑް-19އާ ގުޅިގެން ބޭރު ޤައުމުތަކަށް މޯލްޑިވިއަންއިން ކުރަމުން އައި ޝެޑިއުލް ދަތުރުތައްވަނީ މެދުކަނޑާލާފައެވެ. މޯލްޑިވިއަނުން މީގެ ކުރިން ޑާކާއަށް ބާއްވަމުން ދިޔައީ ހަފްތާއަކު ތިން ދަތުރެވެ.
ކޮވިޑް-19 އާ ގުޅިގެން ބޭރުގެ މަންޒިލްތަކަށް ކުރާ ދަތުރުތައް ލޮކްޑައުންއާއެކު ހުއްޓުމަކަށް އައި ނަމަވެސް މި ހާލަތާ ގުޅިގެން އަނބުރާ ގައުމަށް ދާން ބޭނުންވި ބިދޭސީ މަސައްކަތްތެރިން ގެންދިއުމަށް މޯލްޑިވިއަނުން ވަނީ 26 ފުލައިޓެއް މިހާތަނަށް ބާއްވާފައެވެ.
ރާއްޖޭގެ ބޯޑަރު އަލުން ހުލުވާލާފައިވާ އިރު، ރާއްޖެއިން ބޭރަށް ފުރާ އަދި އަންނަ ފަސިންޖަރުން އިމިގްރޭޝަންގެ އިމުގާ ޕޯޓަލްގައި ރަޖިސްޓްރީވުމަށް ވަނީ އަންގާފައެވެ.
