މި ރަމްޟާން މަހު ވެސް ސަރުކާރު މުއައްޒަފުން މަސައްކަތް ކުރަން ޖެހެނީ އެންމެ ހަތަރު ގަޑިއިރު
ކަލަންޑަރުގައިވާ ގޮތުން ރަމްޟާން މަހުގެ ފުރަތަމަ ދުވަހަކީ މި މަހުގެ 27 ވަނަ ދުވަސް
ރައީސް އޮފީސް
އެހެން އަަހަރުތަކެކޭ ވެސް އެއްފަދައިން މި ފެށޭ ރަމްޟާން މަހު ވެސް ސަރުކާރު މުއައްޒަފުން މަސައްކަތް ކުރަން ޖެހޭނީ އެންމެ ހަތަރު ގަޑިއއިރު ކަމަށް ރައީސުލްޖުމްހޫރީއްޔާގެ އޮފީހުން ކަނޑައަޅައިފިއެވެ.
ރައީސް އޮފީހުގެ ތަރުޖަމާން އިބްރާހީމް މުއާޒް އަލީ ކުރެއްވި ޓްވީޓެއްގައި ވިދާޅުވީ މި އަހަރުގެ ރަމްޟާން މަހުގަ ވެސް ރަސްމީ ގަޑިއަކީ 10:00 އިން މެންދުރު 2:00 އަށް ކަަމަށެވެ.
ސަރުކާރުގެ އޮފީސްތަކުގެ އިތުރުން ސްކޫލްތައް ވެސް މި ވަގުތައް ފައްތަންޖެހެއެވެ. މީގެ ކުރިން ބައެއް ރޯދަ މަސްތަކުގައި ސްކޫލްތަކުގެ ކިޔެވުން ވެސް ބަންދުކޮށްފައި ވެއެވެ. ނަމަވެސް މި ފަހަރު އަމަލުކުރާނެ ގޮތެއް އަދި އިއުލާނުކޮށްފައެއް ނުވެއެވެ.
މިއަހަރުގެ ކަލަންޑަރުން ދައްކާ ގޮތުގައި ރަމްޟާން މަހަކީ މި މަހުގެ 27 ވަނަ ދުވަހެވެ. ނަމަވެސް އެ ދުވަސް ރަސްމީކޮށް އިއުލާން ކުރާނީ އިސްލާމިކް މިނިސްޓްރީންނެވެ.
