ފުރަތަމަ ފަހަރަށް ފަލަސްތީނަށް ނޮން-ރެސިޑެންޓް ސަފީރަކު އައްޔަނުކުރުމަށް މަޖިލީހުން ފާސްކޮށްފި
15 ފެބުރުއަރީ 2021 | ހޯމަ 10:18ބޭރު ގައުމުތަކަށް 8 ނޮން ރެޒިޑެންޓްް ސަފީރުން އައްޔަންކުރުމަށް މަޖިލީހުން ވަނީ ރުހުންދީފައި
ރައްޔިތުންގެ މަޖިލީހުގެ ޖަލްސާއެއްގެ ތެރެއިން
ފުރަތަމަ ފަހަރަށް ފަލަސްތީނަށް ނޮން-ރެސިޑެންޓް ސަފީރަކު އައްޔަނުކުރުމަށް ރައްޔިތުންގެ މަޖިލީހުން ރުހުންދީފިއެވެ.
ފަލަސްތީނުގެ އިތުރުން 13 ގައުމަކަށް ނޮން ރެސިޑެންޓް ސަފީރުން އައްޔަނުކުރުމަށް މަޖިލީހުން ވަނީ ރުހުންދީފައެވެ. މިކަމާ ގުޅިގެން ރައީސުލްޖުމްހޫރިއްޔާ މަޖިލީހަށް ފޮނުއްވި ސިޓީގައި ވަނީ ބޭރު ގައުމުތަކަށް 8 ނޮން ރެޒިޑެންޓްް ސަފީރުން އައްޔަންކުރުމާމެދު މަޖިލީހުން ގޮތެއް ނިންމަވައި ދެއްވުމަށެވެ. މި މައްސަލަ ދިރާސާކޮށްފައިވަނީ ގައުމީ ސަލާމަތާއި ޚާރިޖީ ގުޅުންތަކުގެ ކޮމިޓީންނެވެ. އެ ކޮމިޓީން ވަނީ ނޮން ރެސިޑެންޓް ސަފީރުން އައްޔަނުކުރުމަށް ރުހުން ދިނުމަށް ފާސްކޮށްފައެވެ.
މިރިޕޯޓަށް ހޯމަ ދުވަހުގެ ޖަލްސާގައި ވަނީ ވޯޓަށް އަހާފައެވެ. ވަކިވަކިން ކޮންމެ ނަމަކަށް ވަނީ ވޯޓަށް އައްސަވާފައެވެ.
ފަލަސްތީނަށް ފުރަތަމަ ފަހަރަށް ނޮން ރެސިޑެންޓް ސަފީރަކު އައްޔަނުކުރުމަށް މަޖިލީހުން ފާސްކުރިއިރު މިއަހަރުގެ ރިޔާސީ ބަޔާން އިއްވަވަމުން ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވަނީ ފަލަސްތީނަށް މިއަހަރު ނޮން-ރެސިޑެންޓް ސަފީރަކު ކަނޑައަޅުއްވާނެކަމަށް ވިދާޅުވެފައެވެ.
