ކުދި ބައެއްގެ މެދުގައި ހިނގި ހަމަނުޖެހުމެއްގައި ކުއްޖަކަށް އަނިޔާވެ، އައިޖީއެމްއެޗްގައި ފަރުވާ ދެނީ!
10 ފެބުރުއަރީ 2021 | ބުދަ 21:24މިހާދިސާ ހިނގީ ބުދަ ދުގަހުގެ 18:10 އެހާކަންހާއިރު
އަމްނާ އިމާދު | 10 ފެބުރުއަރީ 2021 | ބުދަ 21:24
އިންދިރާ ގާންދީ މެމޯރިއަލް ހޮސްޕިޓަލް،
އދ.އޮމަދޫގައި ކުޅެން އުޅުނު ކުދި ބައެއްގެ މެދުގައި ހިނގި ހަމަނުޖެހުމެއްގައި 18 އަހަރުން ދަށުގެ ކުއްޖަކަށް އަނިޔާވެ ފަރުވާދޭން ފަށައިފިއެވެ.
ފުލުހުން ބުނީ އޮމަދޫގައި ބުދަ ދުގަހުގެ 18:10 އެހާކަންހާއިރު ދަނޑުމަތީގައި ކުޅެން އުޅުނު ކުދި ބައެއްގެ މެދުގައި ހިނގި ހަމަނުޖެހުމެއް ހިނގާފައިވާ ކަމަށެވެ. އަދި މި ހަމަނުޖެހުމުގައި 18 އަހަރުން ދަށުގެ ކުއްޖަކަށް އަނިޔާވެގެން އައިޖީއެމް ހޮސްޕިޓަލަށް ގެނެސް ފަރުވާ ދެމުންދާ ކަމަށް ފުލުހުން ބުނެއެވެ.
ކުއްޖާއަށް ލިބުނު އަނިޔާގެ ތަފްސީލުގެ މައުލޫމާތު އަދިވަނީ ލިބޭ ގޮތް ނުވެފައެވެ.
މިމައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
