ބޭންކް އޮފް މޯލްޑިވްސްއިން އާދިއްތަ ދުވަހު ބީ.އެމް.އެލް. އޮފަރސް ޕޯޓަލް ތަޢާރަފްކޮށްފިއެވެ.

ބީ.އެމް.އެލް.އިން ބުނީ، އެއީ މަރޗެންޓުންނާ ގުޅިގެން ބީ.އެމް.އެލް. ކާޑު ބޭނުންކޮށްގެން ކުރާ ވިޔަފާރިތަކަށް %25 އާ ހަމައަށް ޑިސްކައުންޓް ލިބޭ ގޮތަށް ތަޢާރަފް ކުރެވުނު ޕްރޮގްރާމެއް ކަމަށެވެ

މި ޕޯޓަލް މެދުވެރިކޮށް އޭގައި ލިސްޓުކޮށްފައިވާ ފިހާރަތަކުން ކުރާ ކޮންމެ ވިޔަފާރިއަކަަށް ކަސްޓަމަރުންނަށް ޑިސްކައުންޓް ލިބޭނެ ކަމަށް ބީ.އެމް.އެލް.އިން ބުންޏެވެ. ލިސްޓުކޮށްފައިވާ ފިހާރަތަކުގެ ތެރޭގައި ރީޓެއިލް ފިހާރަތަކާއި، ރެސްޓޯރަންޓް، ފަރުނީޗަރު އަދި ހެދުން ވިއްކާ ފިހާރަތަކާއި ކޮސްމެޓިކްސް ފިހާރަތަކުގެ އިތުރުން ގިނަ ފިހާރަތަކެއް ހިމެނެއެވެ.

ބީ.އެމް.އެލް.އިން އޮފާސް ޕޯޓަލް ތަޢާރަފްކުރި އިރު ދާދި ފަހުން ވަނީ ކާޑު ބޭނުންކޮށްގެން އިނާމު ލިބޭ ޕްރޮމޯޝަނެއް ވެސް ތަޢާރަފްކޮށްފައެވެ. މާޗް މަހުގެ 28 ވަނަ ދުވަހުގެ ނިޔަލަށް ކުރިއަށް ގެންދާ އެ ޕްރޮމޯޝަންގައި ކާޑު ބޭނުންކޮށްގެން ވިޔަފާރި ކުރާ ކަސްޓަމަރުންގެ މެދުގައި ކޮންމެ ހަފްތާއަކު ގުރުއަތުން ހޮވޭ ފަރާތަކަށް 5،000 ރުފިޔާގެ ގިފްޓް ކާޑެއް ލިބޭނެއެވެ. އަދި ޕްރޮމޯޝަން ނިމިގެން ނަގާ ގުރުއަތުން ހޮވޭ ފަރާތަކަށް 20،000 ރުފިޔާގެ ގިފްޓް ކާޑެއް ލިބޭނެއެވެ.