ދުނިޔޭގެ އެންމެ ބޮޑު އެއް މީޑިއާ ކަމަށްވާ ސީ.އެން.އެން. އިން ގެނެސްދޭ ކޯލް ޓު އަރތް ގައި މިޖެނުއަރީ މަހު ގެނެސްދިނުމަށް ހަމަޖެހިފައި ވަނީ ރާއްޖޭގެ މަންޓާރޭ ކޮންޒަވޭޝަންއެވެ.

ސީ.އެން.އެން.ގެ ޗެނަލް މީޑިއާނެޓް މެދުވެރިކޮށް ބަލައިލެވޭއިރު، މީޑިއާނެޓުން މަޢުލޫމާތުދޭ ގޮތުގައި ބ. އަތޮޅުގައި ހަރަކާތްތެރިވާ މޯލްޑިވިއަން މަންޓާރޭ ޕްރޮޖެކްޓުގެ ޕްރޮޖެކްޓް މެނޭޖަރ ބެތު ފޮއުލްނަރ އާއި ސީ.އެން.އެން. އިން ވަނީ ބައްދަލުކޮށްފައެވެ.

ދުނިޔޭގެ އެކި ކަންކޮޅުތަކުގައި މަންޓާރޭއިންނަށް ކުރިމަތިވާ ގޮންޖެހުންތައް ދެނެގަތުމުގެ މަސައްކަތް ސީ.އެން.އެން އިން ކުރަމުންދާއިރު، ރާއްޖެ އަކީ މިހާތަނަށް ރިކޯޑްކުރެވިފައިވާ މަންޓާރޭގެ އެންމެ ބޮޑު އާބާދީ އޮންނަ ގައުމެވެ. އެގޮތުން ރާއްޖޭގައި 5000 އެއްހާ މަންޓާރޭ ދިރިއުޅޭކަމަށް ވަނީ ރިކޯޑްކުރެވިފައެވެ.

ބެތު ފެއުލްނަރ ވަނީ ރާއްޖޭގައި މަންޓާރޭ ހިމާޔަތްކޮށް އާލާކުރުމުުގެ މަސައްކަތްކުރާ އިރު، އެންމެ ކަންބޮޑު ވަނީ އެތަކެތި ދިރިއުޅޭ މާހައުލު ނެތިގެންގޮސްދާނެތީ ކަމަށެވެ. މޫސުމަށް އަންނަ ބަދަލުތަކާއެކު ކަނޑުގެ މުރަކަތައް ހަލާކުވެގެންދާކަން އޭނާ ފާހަގަކުރެއެވެ.

އޭނާ ސީ.އެން.އެން.އަށް ދިން އިންޓަވިއުގައި ވަނީ މަންޓާއާއެކު ފަތާލާއުޅުމުގެ ތަޖުރިބާ ވީހާ ވެސް ގިނަ މީހުން ކޮށްލުމަކީ އޭނާ ވަރަށް އެދޭ ކަމެއް ކަމަށެވެ.