ވިލާ ކޮލެޖްގެ ކޮމިއުނިޓީ އެންގޭޖެމަންޓް ސްކޮލަރޝިޕް އައްޑޫގެ 2 ދަރިވަރަކަށް
23 ޖެނުއަރީ 2021 | ހޮނިހިރު 02:56މިފަހަރު ސްކޮލަޝިޕް ލިބުނީ ހިތަދޫ ދެ ކުދިންނަށް
ވިލާ ކޮލެޖްގެ ކޮމިއުނިޓީ އެންގޭޖެމަންޓް ސްކޮލަރޝިޕް ލިބުނު ދަރިވަރުން
ވިލާ ކޮލެޖުގެ ފަރާތުން ދޭ ކޮމިއުނިޓީ އެންގޭޖެމަންޓް ސްކޮލަރޝިޕް ދެ ދަރިވަރަކަށް ދީފިއެވެ. ކައުންސިލް އިދާރާގައި މިކަމަށްޓަކައި ބޭއްވި ޚާއްޞަ ރަސްމިއްޔާތެއްގައި ސްކޮލަރޝިޕް ލިބުނުކަމުގެ ލިޔުން ދަރިވަރުންނާ ހަވާލުކޮށްދެއްވީ މޭޔަރ، ޢަބްދުﷲ ޞާދިޤްއެވެ. މި ސްކޮލަޝިޕްއަކީ، ފުރަތަމަ ޑިގްރީ އަދި މާސްޓަރސް ޑިގްރީ ފެންވަރަށް، ހިލޭ ކިޔެވުމަށް ދެވޭ ސްކޮލަރޝިޕެކެވެ.
މިފަހަރުގެ ސްކޮލަރޝިޕް ލިބުނު ދަރިވަރުންނަކީ އަޙުމަދު މިލްސަން، ސަރުސޫނު އާގެ / ސ. ހިތަދޫ އަދި ސުފާނީ ނިޒާރު، ސާރީގެ / ސ. ހިތަދޫއެވެ. އަޙުމަދު މިލްސަން ކިޔަވަން ނިންމާފައިވަނީ ބެޗްލަރ އޮފް ހިއުމަން ރިސޯސް މެނޭޖްމަންޓެވެ. އަދި ސުފާނީ ނިޒާރު ނިންމާފައިވަނީ މާސްޓަރ އޮފް ބިޒްނަސް އެޑްމިނިސްޓްރޭޝަންއެވެ.
އައްޑޫ ސިޓީގެ މޭޔަރ ވަނކައުންސިލްގެ އެންމެހަ މުވައްޒަފުންގެ ނަމުގައި، ސްކޮލަރޝިޕް ހާސިލްކުރި ދަރިވަރުންނަށް ވަރަށް ހޫނު މަރުޙަބާއެއް ދަންނަވަނަވާފައެވެ.
ވިލާ ކޮލެޖުންދޭ ކޮމިއުނިޓީ އެންގޭޖްމެންޓް ސްކޮލަރޝިޕަކީ 2017 ވަނަ އަހަރު އައްޑޫސިޓީ ކައުންސިލާއެކު ވެފައިވާ އެއްބަސްވުމެއްގެ ދަށުން ދޭ ފުރުސަތަކެވެ.
މިއަހަރު މި ސްކޮލަރޝިޕަށް ފުރުސަތު ހުޅުވާލުމުން ޖުމްލަ 7 މީހުންވަނީ ކުރިމަތިލައިފައެވެ. އޭގެ ތެރެއިން 4 މީހަކު ޝޯޓު ލިސްޓް ކުރުމަށްފަހު ސްކޮލަރޝިޕް ދީފައިވަނީ ދެ މީހަކަށެވެ
