އައްޑޫ ސިޓީގައި ފަތުރުވެރިކަމުގެ ދާއިރާއާއި މަސްވެރިކަމުގެ ދާއިރާގައި އިންވެސްޓްކުރުމުގެ ފުރުސަތުތަކާ ގުޅޭގޮތުން މަޝްވަރާކޮށްފިއެވެ.
މި މަޝްވަރާތައް ކޮށްފައިވަނީ، ސްޓޭޓް ބޭންކް އޮފް އިންޑިއާގެ ސީ.އީ.އޯ، ބާރަތު މިޝްރާ، އައްޑޫ ސިޓީ ކައުންސިލާ ދެމެދު ބޭއްވި ބައްދަލުވުމުގައިއެވެ. ކައުންސިލް އިދާރާގައި ބޭއްވި މި ބައްދަލުކުރެއްވުމުގައި، އައްޑޫ ސިޓީގައި ފަތުރުވެރިކަމުގެ ދާއިރާއާއި މަސްވެރިކަމުގެ ދާއިރާގައި އިންވެސްޓްކުރުމުގެ ފުރުސަތުތަކާ ގުޅޭގޮތުން ވަނީ މަޝްވަރާކޮށްފައެވެ.
މީގެ އިތުރުން، ޕާސަނަލް ލޯންތަކާއި ހައުސިންގ ސްކީމްތަކާ ގުޅޭގޮތުން ވެސް ބައްދަލުކުރެއްވުމުގައި ވަނީ މަޝްވަރާކޮށްފައެވެ. އަދި އައްޑޫ ސިޓީގައި ހިންގާ ތަރައްޤީގެ އެކިއެކި މަޝްރޫޢުތައް، ޚާއްޞަކޮށް އިންޑިއާ ސަރުކާރުގެ އެހީގެ ދަށުން ހިންގާ މަޝްރޫޢުތަކާ ގުޅޭގޮތުން ވެސް ބައްދަލުވުމުގެ ބައިވެރިން ވަނީ މަޝްވަރާކޮށްފައެވެ. މި ބައްދަލުވުމުގައި އެސް.ބީ.އައިގެ ސީނިއަރ ވައިސް ޕްރެޒިޑެންޓް ސިރާޖު ބާޝާ އާއި އެސް.ބީ.އައި ހިތަދޫ ބްރާންޗްގެ މެނޭޖަރ، މުޙައްމަދު ހާނިމް ވެސް ބައިވެރިވިއެވެ.
