އެސްޓީއޯ ފުށް ގުދަން ހުންނަ ސަރަހައްދުން ފެން ހިންދުމުގެ މަސައްކަތް ފަށައިފި
ޅ އަތޮޅުން ފެށިގެން މ އަތޮޅާއި ހަމައަށް ޔެލޯ އެލާޓް ނެރެފަ
އެސްޓީއޯ ފުށް ގުދަން ސަރަހައްދުގައި ފެން ބޮޑުވުމާއި ގުޅިގެން އެމްއެންޑީއެފުން ހަރަކާތްތެރިވަނީ
މިހާރު ރާއްޖެއަށް ކުރަމުންދާ ވިއްސާރައިގައި، މާލެ ސިޓީއަށް ބޯކޮށް ވާރޭ ވެހުމުގެ ސަބަބުން އެސްޓީއޯގެ ފުށް ގުދަން ސަރަހައްދުގައި ފެންބޮޑުވުމާއި ގުޅިގެން އެމްއެންޑީއެފުން އެ ސަރަހައްދުގެ ފެން ހިންދުމުގެ މަސައްކަތް ފަށައިފިއެވެ.
އެމްއެންޑީއެފުން ވިދާޅުވީ، މާލެއަށް ބޯކޮށް ވާރޭވެހުމުގެ ސަބަބުން އެސްޓީއޯ ފުށް ގުދަން ހުންނަ ސަރަހައްދުގައި ފެންބޮޑުވެފައިވާ ކަމަށެވެ. އެގޮތުން ފުށް ގުދަން ސަރަހައްދުގައި ބޮޑުވެފައިވާ ފެންގަނޑު ހިންދުމުގެ މަސައްކަތް ފަޔަރ އެންޑް ރެސްކިއު ޑިޕާޓްމެންޓް އިން ކުރަމުންދާ ކަމަށްވެސް އެމްއެންޑީއެފް އިން ވިދާޅުވިއެވެ.
ރާއްޖެއަށް މިހާރު ކުރަމުންދާ ވިިއްސާރާގައި އަންގާރަ ދުވަހު ހެނދުނު ވަނީ ބ. މާޅޮހުގެ ބައެއް ސަރަހައްދުތަކުގައި ފެންބޮޑުވުމާއި ގުޅިގެން އެމްއެންޑީއެފްގެ އެހީތެރިކަމާއެކު ފެން ހިންދުމުގެ މަސައްކަތް ކޮށްފައެވެ. މި ހާދިސާގައި އެ ރަށުގެ މިހާތަނަށް އެރަށުގެ 12 ގެެއަށް ގެެއްލުން ލިބިފައިވާއިރު، އެ ހުރިހާ ގެއެއްގައިވެސް ހިފާ ގެންގުޅޭ ތަކެއްޗަށް ވަނީ ފެނުގެ އަސަރުކޮށް ބޮޑެތި ގެއްލުންތަކެއް ލިބިފައެވެ.
މިހާރު ރާއްޖެއަށް ކުރަމުންދާ ވިއްސާރައާއި ގުޅިގެން މޫސުމާއި ބެހޭ ގައުމީ އިދާރާއިން ވަނީ ޅ އަތޮޅުން ފެށިގެން މ އަތޮޅާއި ހަމައަށް ޔެލޯ އެލާޓް ނެރެފައެވެ. އަދި ހއ އިން ފެށިގެން މ އަތޮޅާއި ހަމައަށް ވަނީ ވައިޓް އެލާޓް ނެރެފައެވެ.
މެޓް އޮފީހުން ވަނީ މޫސުން ގޯސްވެ ވިއްސާރަ ކުރަމުންދާއިރު، ފެންބޮޑުވުމުގެ ސަބަބުން ދިމާވެދާނެ ގެއްލުންތަކުން ސަލާމަތްވުމަށް ކުރިޔާލާ ރައްކާތެރިކަމުގެ ފިޔަވަޅުތައް އެޅުމަށް ގޮވާލާފައެވެ.
