ކ. މާލެ
|
10 ޖެނުއަރީ 2021 | އާދީއްތަ 12:14
ގްރަނާޑާ އާއި ބާސާ ބައްދަލުކުރި މެޗުގެ ތެރެއިން: މި މެޗުން ބާސާ މޮޅުވީ 4-0 ން
ގްރަނާޑާ އާއި ބާސާ ބައްދަލުކުރި މެޗުގެ ތެރެއިން: މި މެޗުން ބާސާ މޮޅުވީ 4-0 ން
ގެޓީ އިމޭޖަސް
ސްޕެނިޝް ލީގު
ބާސާއަށް ފަސޭހަ މޮޅެއް، ރެއާލް އެއްވަރު
 
އޮސަސޫނާ އާއި ރެއާލް ބައްދަލުކުރި މެޗު އެއްވަރުވީ 0-0 ން
 
ގްރަނާޑާ އަތުން ބާސާ މޮޅުވީ 4-0 ގެ ނަތީޖާއަކުން

ސްޕެނިޝް ލީގުގައި ހޮނިހިރު ދުވަހުގެރޭ ކުޅުނު މެޗުން ގްރަނާޑާ އަތުން ފަސޭހަކަމާއެކު ބާސެލޯނާ މޮޅުވެއްޖެއެވެ.

ރަށުން ބޭރުގައި ކުޅުނު މެޗުން ބާސާ މޮޅުވީ 4-0 ގެ ނަތީޖާއަކުންނެވެ.

މި މެޗުގައި ބާސާއިން މޮޅު ކުޅުމެއް ދެއްކިއިރު، މެޗު ފަށައިގެން 12 ވަނަ މިނެޓުގައި އެ ޓީމުން ވަނީ ލީޑު ނަގާފައެވެ. މި ލަނޑު އެ ޓީމަށް ކާމިޔާބުކޮށްދިނީ ފޯވާޑް އެންޓޮއިން ގްރީޒްމަނެވެ. އޭގެ ފަހުން މެޗުގެ 35 ވަނަ މިނެޓުގައި ގްރީޒްމަން ދިން ޕާހަކުން ބާސާގެ ކެޕްޓަން ލިއޮނެލް މެސީ ވަނީ އެ ޓީމަށް ލީޑު ފުޅާކޮށްދީފައެވެ. އަދި ފުރަތަމަ ހާފު ނިމެން ތިން މިނެޓަށް ވެފައި ވަނިކޮށް ހިލޭ ޖެހުމަކުން މެސީ ވަނީ ބާސާގެ ތިންވަނަ ލަނޑު ޖަހާފައެވެ.

މެޗުގެ ދެވަނަ ހާފުގައިވެސް ބާސާއިން ގިނަ ހަމަލާތަކެއް އުފެއްދިއިރު، އެ ޓީމުގެ ހަތަރުވަނަ ލަނޑު މެޗުގެ 63 ވަނަ މިނެޓުގައި ކާމިޔާބުކޮށްދިނީ ގްރީޒްމަނެވެ. އަދި މި މެޗު ގްރަނާޑާއިން ނިންމާލާފައިވަނީ އެއް ކުޅުންތެރިއަކު މަދުކޮށެވެ. އެއީ މެޗުގެ 78 ވަނަ މިނެޓުގައި އެ ޓީމުގެ ހެސުސް ވަޔޭހޯއަށް ސީދާ ރަތް ކާޑެއް ދެއްކުމާ ގުޅިގެންނެވެ. އޭނާއަށް ސީދާ ރަތް ކާޑެއް ދައްކާފައިވަނީ އޭރިއާ ބޭރުން މާޓީން ބްރެތުވެއިޓަށް ކުރި ފައުލަކާ ގުޅިގެންނެވެ.

އޮސަސޫނާ އާއި ރެއާލް ބައްދަލުކުރި މެޗުގެ ތެރެއިން: މި މެޗު އެއްވަރުވީ 0-0 ން

ހޮނިހިރު ދުވަހުގެރޭ ކުޅުނު މެޗުން ބާސާ މޮޅުވިއިރު، އެންމެ ފަހުގެ ޗެމްޕިއަން ރެއާލް މެޑްރިޑް އެއްވަރުވީ އޮސަސޫނާއާ ވާދަކޮށް 0-0 ންނެވެ.

އޮސަސޫނާގެ ދަނޑަށް ރޭ ސްނޯ ފެއިބި ނަމަވެސް، ރެފުރީ ވަނީ މެޗު ކުރިއަށް ގެންދަން ނިންމާފައެވެ. މި މެޗު ރެއާލުން ޑޮމިނޭޓުކޮށްގެން ކުޅުނު ނަމަވެސް، ދެ ޓީމަށްވެސް ވަނީ ލީޑު ނަގަން ރަނގަޅު ފުރުސަތުތަކެއް ލިބިފައެވެ.

އެކަމަކު ސްނޯ ފެއިބުމާއެކުވެސް މެޗު ކުރިއަށް ގެންދިޔުމުން ރެއާލުގެ ކޯޗު ޒިނެދިން ޒިދާން ވަނީ މެޗަށްފަހު ނުރުހުން ފާޅުކޮށްފައެވެ. އެގޮތުން ޒިދާން ބުނީ މި މެޗަކީ ފުޓްބޯޅަ މެޗެއް ނޫން ކަމަށާއި، މެޗު ކެންސަލް ކުރަން ޖެހޭނެ ކަމަށެވެ. އެކަމަކު މެޗު ކުޅުނީ އެގޮތަށް އެންގުމުން ކަމަށާއި، ނަމަވެސް ހާލަތު އޮތީ ވަރަށް އުނދަގޫކޮށް ކަމަށްވެސް ޒިދާން ވަނީ ބުނެފައެވެ.

މި މެޗުން އެއްވަރުވުމުން ރެއާލަށް ވަނީ އެއްވަނައަށް އަރަން ލިބުނު ފުރުސަތު ގެއްލިފައެވެ. ހޮނިހިރު ދުވަހުގެރޭގެ ނަތީޖާތަކާއެކު ރެއާލް އޮތީ ތާވަލުގެ ދެވަނައިގައި 18 މެޗުން 37 ޕޮއިންޓާއެކުއެވެ. ތާވަލުގެ އެއްވަނައިގައި އޮތް އެތުލެޓިކޯ މެޑްރިޑަށް 15 މެޗުން ވަނީ 38 ޕޮއިންޓް ލިބިފައެވެ. އަދި ތިންވަނައިގައި އޮތް ބާސާއަށް 18 މެޗުން ވަނީ 34 ޕޮއިންޓް ލިބިފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ހުސައިން ފަރިޔާޒް
100%
0%
0%
0%
0%
0%
ކޮމެންޓް
ގުޅުންހުރި
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި