އެޕަލްގެ ރާއްޖޭގެ އޮތޮރައިޒްޑް ރީސެލަރއަކަށް އެލް މޯބައިލް
އެލް މޯބައިލް އިން އެޕަލްގެ ޕްރޮޑަކްޓްތައް ގަތުން އަގު ހެޔޮވާނެ
އެލް މޯބައިލް 2 ފިހާރަ
އެޕަލްގެ ރާއްޖޭގެ އޮތޮރައިޒްޑް ރީސެލަރކަން އެލް މޯބައިލްއަށް ލިބިއްޖެއެވެ.
ރާއްޖެއެމްވީ އަށް މައުލޫމާތު ދެއްވަމުން އެލް މޯބައިލްގެ ޑިރެކްޓަރ ހުސެއިން އަބްދުﷲ ވިދާޅުވީ ރާއްޖޭގައި އެޕަލްގެ ޕްރޮޑަކްޓްތަކަށް އޮންނަ ޑިމާންޑް ބޮޑު ކަަމަށެވެ. އޮތޮރައިޒްޑް ރީސެލަރކަން ލިބުނީ އެޕަލްއާ ވަރަށް ގިނަ ދުވަހު ވާހަކަ ދައްކައިގެން ކަމަށް ވެސް އޭނާ ވިދާޅުވިއެވެ.
ހުސެއިން އަބްދުﷲ ވިދާޅުވީ އެލް މޯބައިލް އިން އެޕަލްގެ ޕްރޮޑަކްޓްތައް ގަތުން އަގު ހެޔޮވެ، އެޕަލްގެ ވޮރެންޓީ ރާއްޖެއިން ލިބިގެންދާނެ ކަމަށެވެ. އަދި މީގެ އިތުރުން އެޕަލްއިން އާ އުފެއްދުންތައް ތައާރަފުކުރާއިރު، ކަނޑައަޅާ ވަކި ތާރީހެއްގައި ރާއްޖޭގައި ވެސް ލޯންޗުކުރާނެ ކަމަށް ވިދާޅުވިއެވެ.
ހުސެއިން އަބްދުﷲ އިތުރަށް ވިދާޅުވީ އެލް މޯބައިލްގެ އަމާޒަކީ ރާއްޖޭގެ އެޕަލް ސްޓޯރެއް ހުޅުވުން ކަމަށެވެ. އެލް މޯބައިލް އިން އެޕަލްގެ ހުރިހާ ޕްރޮޑަކްޓްތައް ލިބޭނެކަން ފާހަގަކުރައްވާ ހުސެއިން އަބްދުﷲ ވިދާޅުވީ އެޕަލްގެ ޕްރޮޑަކްޓްތައް ކަމަށްވާ، އައިފޯން، މެކްބުކް ވެސް ލިބިގެންދާނެ ކަމަށެވެ.
އެލް މޯބައިލް އިން ބުނީ އެ ފިހާރަ އިން އެޕަލްގެ ޕްރޮޑަކްޓްތައް ގަތުމުން އެއީ އޮރިޖިނަލް އެޕަލް ޕްރޮޑަކްޓްތައް ކަން ކަސްޓަމަރުންނަށް ޔަޤީންވާނެ ކަމަށެވެ.
