އުޒްބެކް އެއަރވޭސް އިން ރާއްޖެއަށް ކުރާ ދަތުރުތައް އަލުން ފަށައިފި
ފުރަތަމަ ދަތުރުގައި 266 ފަސިންޖަރުން ރާއްޖެ އައިސްފައިވޭ
ބޯޑަރު ހުޅުވާލިފަހުން ރާއްޖެއަށް ދަތުރުކުރި އުޒްބެކް އެއަރވޭސްގެ ފުރަތަމަ ފްލައިޓް
އުޒްބަކިސްތާނުގެ ގައުމީ އެއަރލައިން، އުޒްބެކް އެއަރވޭސް އިން ރާއްޖެއަށް ކުރާ ދަތުރުތައް އަލުން ފަށައިފިއެވެ.
ވެލާނާ އިންޓަނޭޝަނަލް އެއަރޕޯޓުން ބުނީ އުޒްބެކް އެއަރވޭސް އިން ރާއްޖެއަށް ދަތުރުތައް ފަށާފައި ވަނީ ޑިސެމްބަރ 29 ވަނަ ދުވަހުކަމަށެވެ.
އުޒްބެކް އެއަރވޭސް އިން ރާއްޖެއަށް ކުރި ފުރަތަމަ ދަތުރުގައި 266 ފަސިންޖަރުން ރާއްޖެ އައިސްފައިވާ ކަމަށް ވީއައިއޭ ހިންގުމާއި ހަވާލުވެފައިވާ މޯލްޑިވްސް އެއަރޕޯޓްސް ކޮމްޕެނީ ލިމިޓެޑް އިން ވަނީ ބުނެފައެވެ.
މިއާއެކު މިހާރު ރާއްޖެއަށް 25 އަށް ވުރެ ގިނަ އިންޓަނޭޝަނަލް އެއަރލައިނުން ދަތުރުކުރާ އިރު، ރާއްޖެއަށް ކުރާ އިންޓަނޭޝަނަލް ދަތުރުތައް އިތުރުވުމާއި ގުޅިގެން އެމްއޭސީއެލުން ވަނީ ވީއައިއޭގެ ޑޮމެސްޓިކް އޮޕަރޭޝަންތައް ނޯތް އެޕްރަންއަށް ބަދަލުކޮށްފައެވެ.
ކޮވިޑް-19 ގެ ސަބަބުން ރާއްޖޭގެ ބޯޑަރު ބަންދުކޮށްފައި އޮތުމަށް ފަހު އަލުން ހުޅުވާލިފަހުން މިހާތަނަށް 163،000 އަށް ވުރެ މައްޗަށް އަރާފައިވާއިރު، މުޅި އަހަރު ރާއްޖެއަށް 546،000 އަށް ވުރެ ގިނަ ފަތުރުވެރިން ވަނީ އައިސްފައެވެ.
މާޗް 27 ވަނަ ދުވަހު ބޯޑަރު ބަންދުކުރުމަށް ފަހު ރާއްޖޭގެ ބޯޑަރު އަލުން ހުޅުވާލާފައި ވަނީ ޖުލައި 15 ވަނަ ދުވަހުއެވެ.
