އެމެރިކާގެ ނަޝްވިލް ސިޓީގައި ބޮމުގެ ހަމަލާއެއް ދީފި
27 ޑިސެމްބަރު 2020 | އާދީއްތަ 04:10ބޮން ގޮއްވާލުމުގެ 15 މިނެޓް ކުރިން އެތަނުގައި ބޮމެއް ގޮވާނެ ކަމުގެ އިންޒާރު ވަނީ ދީފައި
ނަޝްވިލް ސިޓީގައި ބޮމުގެ ހަމަލާއެއް ދީފައި ވަނިކޮށް، މި ހަމަލާގައި ތިން މީހަކު ވަނީ ޒަހަމުވެފައި
އެމެރިކާގެ ނަޝްވިލް ސިޓީގައި ބާރުގަދަ ބޮމުގެ ހަމަލާއެއް ދީފިއެވެ.
ނަޝްވިލް ސިޓީގެ މެދުތެރޭގައި ބޮން ގޮއްވާލާފައިވާއިރު، އެ ސިޓީގެ ފުލުހުން ބުނީ ބޮން ގޮއްވާލި ސަރަހައްދު ބަލަމުން ދަނިކޮށް އިންސާނުންގެ ކުދިކުދިވެފައިވާ ހަށިގަނޑުގެ ބައިތަކެއް ފެނިފައިވާ ކަމަށެވެ.
ނަޝްވިލް ސިޓީގެ ފުލުހުން އިތުރަށް ބުނީ މިއީ ޖާނުން ފިދާވެގެން ދިން ބޮމުގެ ހަމަލާއަކަށް ވެދާނެ ކަމަށާއި، އެހެންކަމުން އެ ސަރަހައްދުން ފެނުން އިންސާނުންގެ ހަށިގަނޑުގެ ބައިތަށް ދެނެގަތުމުގެ މަސައްކަތް ކުރަމުން އަންނަ ކަމަށެވެ .
ނަޝްވިލްގެ ފުލުހުން ބުނީ މި ބޮމުގެ ހަމަލާގައި އަނިޔާވެގެން ތިން މީހަކަށް ހޮސްޕިޓަލުގައި ފަރުވާދެމުން އަންނަ ކަމަށާއި، ބޮން ގޮއްވާލީ ފަތިހުގެ ވަގުތެއްގައި ކަމުން އެ ސަރަހައްދު އޮތީ މުޅިން ހުސްކޮށް ކަމަށެވެ.
މީގެ އިތުރުން ފުލުހުން ބުނީ ބޮން ގޮއްވާލުމުގެ 15 މިނެޓް ކުރިން އެތަނުގައި ބޮމެއް ގޮވާނެ ކަމުގެ އިންޒާރު ވެހިކަލެއްގައި އައިބަޔަކު ދީފައިވާ ކަމަށާއި، އެ ވެހިކަލް ހުއްޓުވަން ފުލުހުން މަސައްކަތް ކުރުމުން ފުލުހުންގެ ގަޔަށް ބަޑި ޖެހުމަށްފަހު ފިލާފައިވާ ކަމަށެވެ. އަދި ބޮން އޮތް ސަރަހައްދު ހޯދުމަށް މަސައްކަތް ކުރި ކަމަށްވެސް ފުލުހުން ބުނެއެވެ.
މި ބޮމުގެ ހަމަލާގެ ޒިންމާ މިހާތަނަށް އެއްވެސް ފަރާތަކުން ނަގާފައިނުވާއިރު މިއީ ޓްރަމްޕްގެ ސަޕޯޓަރުންގެ ތެރޭގައި ހިމެނޭ ހައްދުފަހަނައަޅާފައިވާ ޖަމާއަތަކުން ދީފައިވާ ހަމަލާތަކެއް ކަމަށް ވަނީ ޝައްކު ކުރެވިފައެވެ.
