ކަރަންޓް މައްސަލަ އިރުއޮއްސޭއިރަށް ހައްލުކުރެވޭތޯ މިދަނީ މަސައްކަތް ކުރަމުން
ގދ.ތިނަދޫ، އާބާދީގައި ހަތްހާހަށްވުރެ ގިނަ މީހުން އުޅޭ
ތިނަދޫގެ ބައެއް ސަރަހައްދުތަކަށް ކަރަންޓްދޭން ފަށައިފިއެވެ.
ހޯމަ ދުވަހުގެރޭ ދަންވަރު 3:30ން ފެށިގެން ކަރަންޓްގެ ޚިދުމަތް މެދުކެނޑިފައިވަނީ ޕެނަލް ބޯޑަށް ދިމާވި މައްސަލައަކާއި ގުޅިގެންނެވެ.
ރާއްޖެއެމްވީއާ ވާހަކަދައްކަވަމުން ފެނަކަ ތިނަދޫ ބްރާންޗުގެ ޓެކްނިކަލް މެނޭޖަރ މުސްތަފާ ޙުސެއިން ވިދާޅުވި މައްސަލަ ހައްލުކުރުމަށްޓަކައި މާލެއިން އިންޖިނިއަރުންގެ ޓީމެއް ހޯމަ ދުވަހު ހަވީރު ތިނަދޫއަށް އަންނާނެ ކަމަށެވެ. އަދި ޕެނަލް ބޯޑަށް ބޭނުންވާ ބައެއް ސާމާނުވެސް ގެނެސް ކަރަންޓްގެ ޚިދުމަތް އިރު އޮއްސުމުގެ ކުރިން ދިނުމަށް މަސައްކަތް ކުރަމުންދާ ކަމަށެވެ.
އަދި މި ދަނޑިވަޅުގައި ރައްޔިތުންގެ ފަރާތުން ލިބެމުންދާ އެއްބާރުލުމަށް ފެނަކައިން ވަނީ ޝުކުރުއަދާކޮށްފައެވެ.
ތިނަދޫގެ އާބާދީގައި ގާތްގަނޑަކަށް 7466 މީހުން އުޅެއެވެ.
