ފްރާންސްގެ ރައީސް މެކްރޯން ކޯވިޑް-19 އަށް ޕޮޒިޓިވް ވެއްޖެ
17 ޑިސެމްބަރު 2020 | ބުރާސްފަތި 10:59ކުރިއަށް އޮތް 7 ދުވަހަސް، މެކަރޮން ހޭދަކުރާނީ އައިސޮލޭޝަންގަ
ފަރަންސޭސިވިލާތުގެ ރައީސް އެމެނުއެލް މެކްރޮން
ފްރާންސްގެ ރައީސް އެމެނުއެލް މެކްރޮން ކޯވިޑް-19 އަށް ޕޮޒިޓިވް ވެއްޖެއެވެ.
ފަރަންސޭސިވިލާތުގެ އެލީޒީ ޕެލަސްއިން ހާމަ ކުރި ގޮތުގައި، މެކަރޮންގެ ސާމްޕަލް، ކޮވިޑަށް ޓެސްޓު ކުރީ، އަލާމާތްތަކެއް ފެނިގެންނެވެ.
ކޮވިޑަށް ޕޮޒިޓިވްވުމާއެކު ކުރިއަށް އޮތް 7 ދުވަހަސް، މެކަރޮން ހޭދަކުރާނީ އައިސޮލޭޝަންގައެވެ. ނަމަވެސް ރަސްމީ މަސައްކަތް ކުރިއަށް ގެންދާނެ ކަމަށް ހަބަރު ލިބެއެވެ.
ކޮވިޑް-19ގެ ކޭސްތައް ރެކޯޑް އަދަދުތަކުން އިތުރު ވަމުން އަންނަ ފަރަންސޭސިވިލާތުގައި ރޭގަނޑުގެ ވަގުތުތަކުގައި މިހާރު ދަނީ ކާފިއު ތަންފީޒު ކުރަމުންނެވެ. އެ ގައުމުން 2 މިލިއަނެއްހާ މީހުން މި ބައްޔަށް ޕޮޒިޓިވްވެފައި ވާއިރު، 59400 މީހަކު ވަނީ މަރުވެފައެވެ.
ގައުމުތަކުގެ އިސްވެރިންގެ ތެރެއިން ކޮވިޑް-19އަށް ޕޮޒިޓިވްވި ލީޑަރުންގެ ލިސްޓަށް އެންމެ ފަހުން އިތުރުވި މެކަގޯންއަކީ، މުސްލިމުންނާ ދެކޮޅަށް ހަރުކަށި ފިޔަވަޅުތަކެއް އިއުލާންކޮށް، އެކަން ތަންފީޒު ކުރަމުން އަންނަ ރައީސެކެވެ.
