އުރީދޫ އާޗާ ޕްރިޕެއިޑްގެ މުޅިން އައު ޕްލޭންސް، އާޗާ ޑެއިލީ 1 ޖީބީ ޕްލޭން ތައާރަފްކޮށްފިއެވެ.
މި ޕްލޭނާއި ގުޅޭގޮތުން އުރީދޫއިން ބުނީ މި އައު ޕްލޭންތައް މެދުވެރިކޮށް މުޅި ހަފްތާއަށް ނުވަތަ މުޅި މަހުގެ ނިޔަލަށް، ކޮންމެ ދުވަހަކު 1 ޖީބީ ޑޭޓާ އާއި އެކު އަންލިމިޓަޑް އުރީދޫ ކޯލްސް ލިބެމުންދާނެ ކަމަށެވެ.
އެގޮތުން އުރީދޫ މޯލްޑިވްސް ގެ އެކްޓިންގ ޗީފް ކޮމާރޝަލް އޮފިސަރ ހުސައިން ނިޔާޒް ވިދާޅުވީ، އުރީދޫއިން އަބަދުވެސް މަސައްކަތް ކުރަމުންދަނީ ތަފާތު ކަސްޓަމަރުންގެ އެކިއެކި ބޭނުންތަކަށް އެކަށޭނަ ގޮތަށް ޕްރޮޑަކްޓްތައް ފަރުމާކޮށް އިތުރު ފުރިހަމަކަމާއިއެކު ގިނަ ފައިދާތަކެއް ލިބިދޭގޮތަށް ފޯރުކޮށްދިނުމަށް ކަމަށެވެ. އަދި ޑޭޓާ ބޭނުން ކުރާވަރު އިތުރުވެފައިވާ މިދަނޑިވަޅުގައި މި ލޯންޗްކުރެވުނު ޕްލޭންސް އަކީ ހެޔޮ އަގުގައި އެއްފަހަރު ރިޗާޖްކޮށް ލައިގެން ކޮންމެ ދުވަހަކުވެސް ޑޭޓާ އައުވެގެންދާ ޕެކްތަކެއް ކަމަށެވެ.
150 ރުފިޔާއަށް ލިބޭ އާޗާ ވީކްލީ ޕެކުން 7 ޖީބީ ލިބޭއިރު، މި ޕެކް ބޭނުން ކުރެވޭނީ 7 ދުވަހުގެ މުއްދަތަކަށެވެ. 500 ރުފިޔާއަށް ލިބޭ އާޗާ މަންތްލީ ޕެކުން 30 ޖީބީ ލިބިގެންދާއިރު މިއީ 30 ދުވަހުގެ މުއްދަތަކަށް ބޭނުން ކުރެވޭނެ ޕެކްއެކެވެ.
އުރީދޫ އެޕްމެދުވެރިކޮށް އާޗާ ޕްރިޕެއިޑް ޕްލޭންސް އެކްޓިވޭޓް ކޮށްލެވޭއިރު އެސްއެމްއެސް މެދުވެރިކޮށް ވެސް މި ޕްލޭންސް އެކްޓިވޭޓް ކުރެވެއެވެ.
އެސްއެމްއެސް މެދުވެރިކޮށް އެކްޓިވޭޓް ކޮށްލުމަށް:
- ކީވޯޑް “UD150” (އާޗާ ވީކްލީ ޕެކް)،
- ކީވޯޑް “UD500” (އާޗާ މަންތްލީ ޕެކް)
- ޖެއްސެވުމަށްފަހު 5555 އަށް
އުރީދޫއިން ބުނީ އައު ކަސްޓަމަރުން އާޗާ ޕްރިޕެއިޑް ނެންގެވުމަށް އުރީދޫ ޝޮޕް ނުވަތަ އުރީދޫ ޕާރޓްނަރ ޝޮޕެއް މެދުވެރިކޮށް ސްޓޭންޑަރޑް ޕްރިޕެއިޑް ޕްލޭނެއް ބައްލަވައިގަތުމަށްފަހު އުރީދޫ އެޕް، އެސްއެމްއެސް ނުވަތަ 1#*929*ށް ޑައަލް ކޮށްލައިގެން އެކްޓިވޭޓްކޮށްލެވޭނެ ކަމަށެވެ.
