އުރީދޫއިން އައިޕީއޯގެ އެކްސްކްލޫސިވް ޕްރިވިއު އިއުލާންކޮށްފި
ހިއްސާ ވިއްކާނެކަން އިއުލާންކުރީ އޮކްޓޯބަރ 2016ގައި
އުރީދޫއިން އައިޕީއޯގެ އެކްސްކްލޫސިވް ޕްރިވިއު އިއުލާންކުުރުމުގެ ތެރެއިން
އުރީދޫ މޯލްޑިވްސް އައިޕީއޯގެ އެކްސްކްލޫސިވް ޕްރިވިއު، އެކުންފުނިން ހޯމަ ދުވަހު އިއުލާންކޮށްފިއެވެ.
މި ރަސްމިއްޔާތުގައި އައިޕީއޯ އާ ބެހޭ މުހިއްމު މައުލޫމާތުގެ އިތުރުން، ކުރިޔަށް ރޭވިފައިހުރި ކަންކަމާއި ވޭތުވެދިޔަ އަހަރު ތަކުގެ ތެރޭގައި ކުންފުންޏަށް އައިސްފައިވާ ކުރިއެރުމަށް އަލިއަޅުވާލެވިގެންދާނެ ކަމަށް އެކުންފުނިން ބުންޏެވެ.
އަންގާރަ ދުވަހުގެ ރޭ ދަރުބާރުގޭގައި ބާއްވާ މި އިވެންޓްގައި އުރީދޫގެ ކަސްޓަމަރުންނަށާއި، މިކަމަށް ޝައުގުވެރިވާ ފަރާތްތަކުން ބައިވެރިވެވޭނެ ކަމަށް އުރީދޫއިން ބުންޏެވެ.
އުރީދޫ މޯލްޑިވްސް ޕލކ. އިން ހިއްސާގެ ބާޒާރުގައި އެކުންފުނީގެ ހިއްސާ ވިއްކާނެކަން އިއުލާންކުރީ އޮކްޓޯބަރ 2016ގައި މޯލްޑިވްސް ސްޓޮކް އެކްސްޗޭންޖްގައި އުރީދޫ ރަޖިސްޓަރ ކުރުމަށް ފަހުގައެވެ.
ޝައުގުވެރިވެ ވަޑައިގަންނަވާ އިންވެސްޓަރުން http://ooredoo.mv/investor އަށް ޒިޔާރަތްކުރައްވައިގެން، ޕްރޮސްޕެކްޓަސް އާއި އައިޕީއޯ އާއި ގުޅޭ އެހެނިހެން ލިޔުންތައް މިހާރު ބައްލާލެވޭނެ ކަމަށްވެސް އުރީދޫއިން ބުންޏެވެ.
