ކ. މާލެ
|
4 ޑިސެންބަރ 2020 | ހުކުރު 12:58
ބޯޑަރު އަލުން ހުޅުވާލިފަހުން ރާއްޖެއަށް އައި ފަތުރުވެރިންތަކަކަށް މަރުހަބާ ކިޔަނީ
ބޯޑަރު އަލުން ހުޅުވާލިފަހުން ރާއްޖެއަށް އައި ފަތުރުވެރިންތަކަކަށް މަރުހަބާ ކިޔަނީ
ރާއްޖެއެމްވީ
ރާއްޖޭގެ ފަތުރުވެރިކަމުގެ ސިނާއަތުގެ ހާލަތު
ޑިސެމްބަރު 25 ގައި ފަސް ލައްކަ ފަތުރުވެރިންގެ އަމާޒަށް ވާސިލުވާނެ: ޑރ. މައުސޫމް
 
ކުރިން ލަފާކުރީ ދެ މިލިއަން ފަތުރުވެރިން އަންނާނެ ކަމަށް، ފަސް ލައްކައަށް މުރާޖައާކުރީ ކޮވިޑާ ގުޅިގެން
 
މަހުން މަހަށް ރާއްޖެއަށް އަންނަ ފަތުރުވެރިންގެ އަދަދުތައް ވަނީ އިތުރު، ނިމިދިޔަ މަހު 27،182 ފަތުރުވެރިން އައި
 
ބޯޑަރު ބަންދުކުރި ފަހުން ރާއްޖެ އައި ފަތުރުވެރިންގެ އަދަދު ލައްކައަކަށް އަރާނީ ޑިސެމްބަރު 16 ގައި

މި ހިނގާ ޑިސެމްބަރު މަހުގެ 25 ވަނަ ދުވަހާ ހަމައަށް ރާއްޖެއަށް 500،000 ފަތުރުވެރިންގެ އަމާޒަށް ވާސިލްވާނެ ކަމަށް ޓޫރިޒަމް މިނިސްޓަރ ޑރ. އަބްދުﷲ މައުސޫމް ވިދާޅުވެއްޖެއެވެ.

ރާއްޖޭގެ ފަތުރުވެރިކަމުގެ ސިނާއަތުގެ ހާލަތު ދުވަހުން ދުވަހަށް ރަނގަޅުވަމުން އަންނަކަން ފާހަގަކޮށް ޑރ. މައުސޫމް ކުރެއްވި ޓްވީޓެއްގައިވަނީ، ނިމިދިޔަ އަހަރާ އަޅާކިޔާއިރު ގިނަ މާކެޓްތަކުން އަންނަ ފަތުރުވެރިންގެ އަދަދުތައް ވަނީ އިތުރުވެފައެވެ. އޭގެ ތެރޭގައި މިސްރު (%40+)، ކަޒަކްސްތާން (%24.4+)، ރަޝިއާ (%5+) ގެ އިތުރުން ބްރެޒިލް (%2.9+) އަދި ޔުކްރެއިން (%0.9+) މިނިސްޓަރ ފާހަގަކުރެއްވިއެވެ.

ބޯޑަރުުތައް ހުޅުވާލިފަހުން ރާއްޖެއަށް އަންނަ ފަތުރުވެރިންގެ އަދަދުތައް މަހުންމަހަށް އިތުރުވަމުން އަންނައިރު، ޑިސެމްބަރު 2 ގެ ނިޔަލަށް 79،627 ފަތުރުވެރިން ރާއްޖެއަށް ޒިޔާރަތްކުރިއެވެ. މިއީ އޮކްޓޫބަރު މަހުގެ ޖުމްލަ އަދަދަށްވުރެން މަތީ އަދަދެކެވެ. ޑރ. މައުސޫމް އުއްމީދުކުރައްވާ ގޮތުގައި، މި ހިނގާ ޑިސެމްބަރު މަހުގެ 16 ގެ ކުރިން މި އަދަދު ލައްކައަކަށް އަރާނެއެވެ.

ކޮވިޑް-19 އާ ގުޅިގެން މާރޗް މަހުގެ 27 ގައި ބޯޑަރު ބަންދު ކުރުމަށްފަހު ޖުލައި މަހުގެ 15 ގައި ބޯޑަރު އަލުން ހުޅުވާލި ފަހުން އެންމެ ގިނަ ފަތުރުވެރިން ރާއްޖެ ޒިޔާރަތްކޮށްފައިވަނީ މިދިޔަ ނޮވެމްބަރު މަހުއެވެ. އަދި އަހަރުގެ މިހާތަނަށް 462،474 ފަތުރުވެރިން ރާއްޖެ އައިސްފައިވެއެވެ.

ނިމިދިޔަ އަހަރުގެ ބަޖެޓު ހުށައެޅިއިރު، މި އަހަރު ރާއްޖެއަށް އަންނާނެ ކަމަށް ލަފާކުރި ދެ މިލިއަން ފަތުރުވެރިންނެވެ. ނަމަވެސް، ސިނާރިއޯތަކެއް އެކުލަވާލާ މި އަދަދުތައް އަލުން މުރާޖައާކުރީ ކޮވިޑާ ގުޅިގެން ބޯޑަރުތައް ބަންދުކުރަންޖެހި، ފަތުރުވެރިކަމުގެ ސިނާއަތް ހުއްޓާލަންޖެހުމާއި ގުޅިގެންނެވެ.

Advertisement
އެންމެ ފަހުން އަޕްޑޭޓް ކުރީ: 1 ހަފްތާ ކުރިން
ރިވިއު ކުރީ: އަމަން ހަލީމް
0%
0%
100%
0%
0%
0%
ކޮމެންޓް