ހުޅުދޫ ޑްރަގް ޑިޓޮކްސްސިފިކޭޝަން ސެންޓަރ އިމާރަތްކުރުމަށް ހަވާލުކޮށްފި
24 ނޮވެމްބަރު 2020 | އަންގާރަ 11:50މިއީ އިންޑިއާގެ ގްރާންޓް އެހީގެ އަށް މިލިއަން ރުފިޔާގެ ދަށުން ޕްލޭނިން މިނިސްޓްރީއިން ހިންގާ މަޝްރޫއެއް
އައްޑޫގައި ގާއިމްކުރާ ޑަރްގް ޑިޓޮކްސްސިފިކޭޝަން ސެންޓަރ އިމާރަތްކުރުމަށް ހަވާލުކުރުމަށް ކޮންޓްރެކްޓްގައި ސޮއިކުރުމަށް ބޭއްވުނު ހަފްލާގެ ތެރެއިން
އިންޑިއާ އެހީގެ ދަށުން އައްޑޫގައި ގާއިމުކުރާ ޑްރަގް ޑިޓޮކްސްސިފިކޭޝަން ސެންޓަރ އިމާރަތްކުރުމަށް މިނިސްޓްރީ އޮފް ނެޝަނަލް ޕްލޭނިން، ހައުސިންގް އެންޑް އިންފްރާސްޓްރަކްޗާގެ ފަރާތުން ރެއިންބޯ ކޮންސްޓްރަކްޝަން ޕްރައިވެޓް ލިމިޓެޑް އާއި ހަވާލުކޮށްފިއެވެ.
ޑްރަގް ޑިޓޮކްސްސިފިކޭޝަން ސެންޓަރ ޑިޒައިންކޮށް އިމާރާތްކުރުމަށް ރެއިންބޯ ކޮންސްޓްރަކްޝަން އާއި ހަވާލުކުރުމުގެ އެއްބަސްވުމުގައި ސޮއިކޮށްފައި ވަނީ އަންގާރަ ދުވަހު ދިވެހިރާއްޖޭގެ އަޑުގައި ކުރިއަށް ދިޔަ ހާއްސަ ހަފްލާއެއްގައެވެ.
އެގޮތުން ޕްލޭނިންގ މިނިސްޓްރީގެ ފަރާތުން އެ މިނިސްޓްރީގެ ޑިރެކްޓަރ ޖެނެރަލް ފާތިމަތު ޝާނާ ފާރޫގު އެއްބަސްވުމުގައި ސޮއިކުރައްވާފައިވާއިރު، ރެއިންބޯ ކޮންސްޓްރަކްޝަންގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ ޑިރެކްޓަރ މާޒިން އިބްރާހިމް ރަފީގުއެވެ.
އިންޑިއާގެ ގްރާންޓް އެހީގެ އަށް މިލިއަން ރުފިޔާގެ ދަށުން ޕްލޭނިން މިނިސްޓްރީން ހިންގާ މި މަޝްރޫއު އާއި ގުޅޭ އެމްއޯޔޫގައި ސޮއިކުރެވުނީ އިންޑިއާގެ ފޮރިން ސެކްރެޓަރީ ހަރްޝް ޝްރިންގްލާ ރާއްޖެއަށް ކުރެއްވި ރަސްމީ ދަތުރުފުޅުގައެވެ.
ހުޅުދޫގައި މި ގާއިމް ކުރެވޭ ޑްރަގް ޑީޓޮކްސް ސެންޓަރަކީ އިންޑިއާގެ ހައި އިމްޕެކްޓް ކޮމިއުނިޓީ ޑިވެލޮޕްމެންޓް ޕްރޮޖެކްޓްސް ސްކީމްގެ 200 މިލިއަން ރުފިޔާގެ (13 މިލިއަން ޑޮލަރު) ގްރާންޓްގެ ދަށުން ރާއްޖޭގައި ހިންގެމުންދާ 30 ކުދި އަދި މެދުމިނުގެ މަޝްރޫއުތަކުގެ ތެރެއިން މަޝްރޫއުއެކެވެ.
އައްޑޫ ސިޓީގެ ހުޅުދޫގައި ގާއިމްކުރެވޭ ޑްރަގް ޑީޓޮކްސިފިކޭޝަން ސެންޓަރުން ޑީޓޮކްސިފިކޭޝަން، ކޮމިއުނިޓީ ރީހެބިލިޓޭޝަން އަދި ރެޒިޑެންޝަލް ރީހެބިލިޓޭޝަންގެ ހިދުމަތްތައް ފޯރުކޮށްދެވޭނެއެވެ.
