އަހަރުގެ މޮޅު ކުޅުންތެރިއަކަށް ކާންޓޭ
24 އެޕްރީލު 2017 | ހޯމަ 13:21ކާންޓޭ ބުނަނީ ޝަރަފެއް ކަމަށް
ޕީއެފްއޭ އެވޯޑްސްގައި އަހަރުގެ އެންމެ މޮޅު ކުޅުންތެރިޔާގެ އެވޯޑް ލިބުނު ކާންޓޭ އެވޯޑާއި އެކު
އިނގިރޭސި ލީގުގެ ވަރުގަދަ ކުޅުންތެރިންތަކެއް ފަހަތަށް ޖައްސާލުމަށްފަހު ޕްރޮފެޝަނަލް ފުޓްބޯލާސް އެސޯސިއޭޝަން (ޕީއެފްއޭ) ހޮވާ އަހަރުގެ އެންމެ މޮޅު ކުޅުންތެރިޔާގެ މަޤާމް ޗެލްސީގެ މިޑްފީލްޑަރު އެންގޯލޯ ކާންޓޭ ހޯދައިފި އެވެ.
ކުޅުންތެރިންގެ ވޯޓުން ހޮވާ ސީޒަނުގެ އެންމެ މޮޅު ކުޅުންތެރިއާގެ މަޤާމް ކާންޓޭ ހޯދީ ބުނީ މޮޅު ކުޅުންތެރިއާގެ އެވޯޑަކީ އޭނާއަށް ލިބުނު ހިތްވަރެއް ކަމަށެވެ.
މިދިޔަ ސީޒަނުގައި ލެސްޓާ ސިޓީން ޕްރިމިއާ ލީގު ހޯދުމުގައި އިސްދައުރެއް އަދާކުރި ކާންޓޭ މި ސީޒަންގައި 32 މިލިއަން ޕައުންޑަށް ޗެލްސީއަށް ބަދަލުވުމަށްފަހު އެކުލަބުގައިވެސް އަންނަނީ ރަނގަޅު ކުޅުމެއް ދައްކަމުންނެވެ.
ފްރާންސްގެ ޤައުމީ ޓީމުގައިވެސް މިހިތްމު ދައުރެއް އަދާކުރާ ކާންޓޭ އެންމެ މޮޅު ކުޅުންތެރިޔާގެ މަޤާމްހޯދީ މެންޗެސްޓާ ޔުނައިޓެޑްގެ ޒަލަޓަން އިބްރަހިމޮވިޗް އާ ޗެލްސީގެ އެޑެން ހަޒާޑާއި ޓޮޓެންހަމްގެ ހެރީ ކޭން، އެވަޓަންގެ ރޮމެލޫ ލުކާކޫގެ އިތުރުން އާސެނަލްގެ އަލެކްސިސް ސަންޗޭޒްގެ މައްޗަށް ކުރިހޯދައިގެންނެވެ.
ކާންޓޭ ބުނީ ލީގުގައި ކުޅޭ އެހެން ކުޅުންތެރިން އޭނާއަށް އެ މަޤާމްދޭން ނިންމުމަކީ ލިބުނު ވަރަށް ބޮޑު ޝަރަފެއް ކަމަށެވެ.
"ޕީއެފްއޭ މެރިޓް އެވޯޑް" މިފަހަރު ލިބުނީ މެންޗެސްޓަރ ޔުނައިޓެޑަށް ކުރިން ކުޅުނު ޑޭވިޑް ބެކަމްއަށެވެ.
ޕީއެފްއޭއިން ހޮވި އަހަރުގެ އެންމެ މޮޅު ޒުވާން ކުޅުންތެރިޔާގެ މަގާމު ހޯދީ، ޓޮޓެންހަމްގެ ޑެލެ އަލީއެވެ.
އަލީ މަގާމު ދިފާއުކުރީ ކޭން، ލުކާކޫ، ބާންލީގެ މައިކަލް ކީން، ސަންޑަލެންޑްގެ ކީޕަރު ޖޯޑަން ޕިކްފޯޑް އަދި މެންޗެސްޓާ ސިޓީގެ ލިރޯއީ ސާނޭއާ ވާދަކޮށެވެ.
އެންމެ މޮޅު އަންހެން ކުޅުންތެރިޔާގެ މިފަހަރު ލިބުނީ މެންޗެސްޓަރ ސިޓީގެ އަންހެން ޓީމުގެ ލޫސީ ބްރޯންޒްއަށެވެ.
