ސުކޫލްތަކަށް ވެރިވެފައިވާ އެންމެ ބޮޑު ފަޅުކަމަކީ ކުދިންގެ ހިނުތުންވުން: އެޑިއުކޭޝަން މިނިސްޓަރ

މި ވަގުތު ސުކޫލުތަކަށް ވެރިވެފައިވާ އެންމެ ބޮޑު ފަޅުކަމާއި ހުސްކަމަކީ ކިޔަވާކުދިންގެ ހިނިތުން ވުމާއި ހުނުމުގެ އަޑުތަށް ސުކޫލުން އަޑު ނީވުން ކަމަށް އެޑިއުކޭޝަން މިނިސްޓަރ އައިޝަތު އަލީ ވިދާޅުވެއްޖެ އެވެ.

މިއަދު ފާހަގަކުރާ ބައިނަލްއަޤްވާމީ ކުޑަކުދިންގެ ދުވަހާއި ގުޅިގެން ދެއްވި މެސެޖްގައި މިނިސްޓަރ ވިދާޅުވީ އެހެން އަހަރުތަކާއި މިއަހަރު މިދުވަސް ބައްދަލުވެގެން އައިއިރު ހާލަތު ބަދަލުވެފައިވާ ކަމަށެވެ. އެގޮތުން އެހެން އަހަރުތަކުގައި ސުކޫލަށް ހާޒިރުވެގެން ރައްޓެހި ކުދިންނާއެކު ކުޑަކުދިންގެ ދުވަސް ފާހަގަކޮށްލެވުން ނަމަވެސް މިއަދު ބައެއް ކުދިން ތިބެން ޖެހިފައި ވަނީ ގޭގައި ކަމަށާއި އަނެއްބައި ކުދިންތަށް ސުކޫލަށް ހާޒިރުވި ނަމަވެސް ކިޔެވުމުގެ ކަންތައްތައް ކުރިއަށް ވުރެއް ތަފާތުވެފައިވާ ކަމަށެވެ.

މިހާލަތުަގައި ވެސް ކިޔެވުމުގެ ކަންތައްތައް ހުއްޓުމެއް ނެތި ކުރިއަށްދާތި އެކަމާއި އުފާކުރާކަމަށް މިނިސްޓަރ ވިދާޅުވިއެވެ. އަދި މުދައްރިސުންނާއި ބެލެނިވެރިން ދެއްވާ އެހީތެރިކަމަށް މިނިސްޓަރ ޝުކުރު އަދާ ކުރެއްވިއެވެ.

މިނިސްޓަރުގެ އުންމީދަކީ އަވަސް މުސްތަގުބަލެއްގައި ކޮވިޑް-19 ގެ ހާލަތުން އަރައިގަނެ ކިޔެވުންތައް ކުރިއެކޭވެސް އެއްގޮތަށް ފެށޭނެ ދުވަހެއް ފެނުން ކަމަށް ވިދާޅުވިއެވެ.

ކޮވިޑް-19 އާއި ގުޅިގެން ރާއްޖޭގެ ގިިނަ ސުކޫލުތަކެއް ގިނަ ދުވަސްތަކަކަށް ބަންދުކުރަންްޖެހުނު އެވެ. ހާލަތު ރަނގަޅުވާ މިންވަރަކުން ސުކޫލުތައް ހުޅުވާލަމުންގެންދާއިރު، މާލެ ސަރަހައްދުގެ ސުކޫލުތަކުގެ ހުރިހާ ގްރޭޑްތަކަކަށް އަދިވެސް ކިޔަވައިދިނުމަށް ފަށާފައެއް ނުވެ އެވެ.