1360 ސާމްޕަލްއިން ޕޮޒިޓިވްވީ 29 މީހުން
ޕޮޒިޓިވްވި މީހުންގެ ތެރޭގައި ހިމެނެނީ 19 ދިވެހިން
ކޮވިޑް-19 އަށް ސާމްޕަލް ޓެސްޓް ކުރަނީ
ރާއްޖެއިން ކޮވިޑް-19 އަށް އިތުރު 29 މީހަކު ޕޮޒިޓިވް ވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާގޮތުން ބުދަ ދުވަހު ޕޮޒިޓިވްވި މީހުންގެ ތެރޭގައި ހިމެނެނީ 19 ދިވެހިންނާއި ދިހަ ބިދޭސީންނެވެ.
އޭގެތެރެއިން 24 މީހުން ޕޮޒިޓިވްވެފައިވަނީ ގްރޭޓަރ މާލެ ސަރަހައްދުންނެވެ. އަދި ރިސޯޓްތައް ހިމެނޭގޮތަށް އަތޮޅުތެރެއިން ފަސް މީހަކު ވަނީ ޕޮޒިޓިވް ވެފައެވެ.
އެއާއި އެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 12،384 އަށް އަރާފައެވެ.
އެޗްޕީއޭއިން ހާމަކޮށްފައިވާގޮތުން ބުދަ ދުވަހު ވަނީ 1360 ސާމްޕަލް ޓެސްޓްކޮށްފައެވެ.
މިހާތަނަށް 11406 މީހަކު ބަލިން ފަސޭހަ ވެފައިވާއިރު އެކްޓިވް ކޭސްގެ ގޮތުގައި 926 ކޭސްއެއް ވަނީ ރިޕޯޓްކޮށްފައެވެ. އައިސޮލޭޝަން ފެސިލިޓީސްގައި 351 މީހަކު ތިބިއިރު 72 މީހަކަށް ދަނީ ހޮސްޕިޓަލުގައި ފަރުވާދެމުންނެވެ.
ރާއްޖެ އިން ވައިރަސްގެ ސަބަބުން މަރުވި މީހުންގެ ޖުމްލަ އަދަދަކީ 45 އެވެ.
