މާޅޮހުގައި ފެން ބޮޑުވެ ބައެއް ގެތަކަށް ގެއްލުންވެއްޖެ
18 ނޮވެމްބަރު 2020 | ބުދަ 10:229 ގަޑިއިރުވަންދެން ވަނީ މެދުކެނޑުމެއްނެތި ވާރޭވެހިފައި
މާޅޮހުން ފެންހިންދުމުގެ މަސައްކަތް ކުރިއަށްދަނީ
ބ. މާޅޮހަށް ބޯކޮށް ވިއްސާރަވެހި މަގުތަކުގައި ފެންބޮޑުވެއްޖެ އެވެ.
ރާއްޖެ އެމްވީއަށް މައުލޫމާތު ދެއްވަމުން މާޅޮހު ކައުންސިލްގެ ރައީސް އަބްދުﷲ ޝުޖާއު ވިދާޅުވީ އަންގާރަ ދުވަހުގެ ރޭ ދަންވަރު 12:00 އިން ފެށިގެން ބުދަ ދުވަހުގެ ހެނދުނު 9:00 އާ ހަމައަށް އެރަަށަށް މެދުކެނޑުމެއްނެތި ވާރޭ ވެހިފައިވާ ކަމަށެވެ.
އާބާދީގައި 850 އެއްހާ މީހުން ދިރިއުޅޭ މާޅޮހުގެ ބައެއް ގެތަކަށް ފެންވަދެ ގާގައި ހިފާ ގެންގުޅޭ ބައެއް ތަކެއްޗަށް ގެއްލުންވެފައިވާ ކަމަށް އޭނާ ޝުޖާއު ވިދާޅުވި އެވެ.
މާޅޮހުގެ މަގުތަކުން ފެންހިންދުމުގެ މަސައްކަތުގައި އެމްއެންޑީއެފްގެ ނަދަން އޭރިއާގެ ސިފައިން ދަނީ ހަރަކާތްތެރިވަމުންނެވެ.
މި ހާދިސާގެ ރިޕޯޓް އެމްއެންޑީއެފަށް ލިބިފައިވަނީ ބުދަ ދުވަހު ހެނދުނު 8:56 ހާއިރު ކަމަށާއި މިހާތަނަށް ތިން ގެއަކަށް ފެން ވަދެފައިވާކަމަށް އެމްއެންޑީއެފުން މައުލޫމާތުދެ އެވެ.
