އެކި ސްކޫލްތަކުގެ 20 ދަރިވަރެއް ޖަލްސާ އަޑުއެހުމަށް ބައިވެރިވެފައިވޭ
މަޖިލީހުގެ ޖަލްސާ އަޑުއެހުމަށް އައި ސްކޫލް ދަރިވަރުން
ބުދަ ދުވަހުގެ ރައްޔިތުންގެ މަޖިލީހުގެ ޖަލްސާ އަޑުއެހުމަށް ސްކޫލް ދަރިވަރުން ބައިވެރިވެއްޖެ އެވެ.
މިކަން ހާމަކުރައްވާ މަޖިލީހުގެ ރައީސް މުހައްމަދު ނަޝީދު ވިދާޅުވީ މާލޭގެ އެކި ސްކޫލްތަކުގެ 20 ދަރިވަރެއް ޖަލްސާ އަޑުއެހުމަށް ބައިވެރިވެފައިވާ ކަމަށެވެ.
ރައީސް ނަޝީދު ވިދާޅުވީ ރައްޔިތުންގެ މަޖިލީހުގެ ޖަލްސާތައް އަޑުއެހުން ސްކޫލްތަކުގެ ޕްރޮގްރާމްގެ ތެރެއިން ކުރިއަށް ގެންދިއުމަކީ ރާއްޖޭގެ ޑިމޮކްރެސީއަށާއި މަޖިލީހުގެ މަސައްކަތަށް ވެސް، އަދި މަދަރުސާ ކުދިންގެ ހޭލުންތެރި ކަމަށްވެސް އިންތިހާއަށް ބޭނުންތެރި ކަމެއް ކަމަށް ގަބޫލުކުރައްވާ ކަމަށެވެ.
އަދި އުއްމީދު ކުރައްވަނީ މާލެ ނޫން ރަށްރަށުގެ މަދަރުސާތަކުގެ ކުދިންނަށް ވެސް މާލެއަށް ދަތުރެއްކޮށް، ޖަލްސާ ބަލާލުމުގެ ފުރުސަތު އެ މަދަރުސާއިންނާއި އަމީން އާއްމު ވެސް ހަމަޖައްސަވައިދެއްވުން ކަމަށެވެ.
