އެމެރިކާގެ މަނަވަރު ފައްތާލާނަން: އުތުރު ކޮރެއާ
މިފަހަރުގެ އިންޒާރު އޮސްޓްރެލިއާއަށްވެސް އަމާޒްވި
އެމެރިކާގެ މަނަވަރު ކާލް ވިންސަން
ދެކޮރެއާ ގުޅޭ ޕެނިންސުލާ ސަރަހައްދަށް ދަތުރުކުރުންދާ އެމެރިކާގެ މަތިންބާޓް އުފުލާ މަނަވަރު އެސަރަހައްދަށް ވަދެއްޖެ ނަމަ ފައްތާލާނެ ކަމުގެ އިންޒާރު އުތުރު ކޮރެއާއިން ދީފިއެވެ.
އުތުރުކޮރެއާގެ މި އިންޒާރަކީ އެގައުމުގެ އަސްކަރީ ބާރުވެރިކަން ހުރިކަން އެމެރިކާއަށް އަންގާލުމުގެ ގޮތުން ދީފައިވާ އިންޒާރެކެވެ. ދެ ކޮރެއާ ގުޅޭ ސަރަހައްދަށް ދަތުރުކުރަމުންދިޔަ މަނަވަރަކީ " ކާލް ވިންސަން" އެވެ. ނަމަވެސް މިހާރު އެ މަނަވަރުގެ މިސްރާބުހުރީ އޮސްޓްރެލިއާ އާ ދިމާލަށެވެ.
ދެކޮރެއާ ގުޅޭ ސަރަހައްދަށް އަސްކަރީ މަނަވަރެއް ފޮނުވުމަށް ނިންމެވީ އެމެރިކަގެ ރައީސް ޑޮނަލްޑް ޓްރަމްޕްއެވެ. ޓްރަމްގެ އެ ނިންމެވުމަކީ އުތުރު ކޮރެއާ އިން އެމރިކާއަށް ދެމުންދާ އިންޒާރުތަކަށް ޖަވާބުދިނުމެވެ.
މަނަވަރު ފައްތަލާނެކަމުގެ އިންޒާރާ އެކު އުތުރު ކޮރެއާއިން ބުނެފައި ވަނީ އެމެރިކަގެ މަނަވަރު ކާލް ވިންސަން ފައްތާލުމަށް ނޯތު ކޮރެއާގެ އިންގިލާބީ ލަޝްކަރު އޮތީ ތައްޔާރަށް ކަމަށެވެ.
އެމެރިކާއާ އެއްވަރަށް އުތުރު ކޮރެއާ އިންވަނީ އޮސްޓްރެލިއާއަށް ވެސް ވަރުގަދަ އިންޒާރެއްދީފައެވެ. މިއިންޒާރަކީ އެމެރިކާގެ މަނަވަރު އޮސްޓްރޭލިއާ އަށް ދަތުރު ފެށުމުންދީފައިވާ އިންޒާރެކެވެ. ނަމަވެސް ފަހުން މަނަވަރު ވަނީ ޖަޕާން ކަނޑާދިމާލަށް މިސްރާބު ބަދަލުކޮށްފައެވެ.
އޮސްޓްރެލިއާއަށް އިންޒާރުދެމުން އުތުރު ކޮރެއާ އިން ބުނެފައި ވަނީ އޮސްޓްރެލިއާއިން އެމެރިކާއަށް އެހީތެރިވެއްޖެ ނަމަ އެގައުމަށް ނިއުކްލިއާގެ ހަމަލާއެއް ދޭނެ ކަމަށެވެ.
އުތުރު ކޮރެއާ އިން މުޅިން އާ އިންޒާރެއް އެމެރިކާ އާއި އޮސްޓްރެލިއާއަށް މި އަމާޒުވީ ޖަޕާނު ކަނޑަށް މިސްރަބު ޖަހާފައިވާ އެމެރިކާގެ މަނަވަރާ ގުޅުމަށް ޖަޕާނުގެ ދެ މަނަވަރެއް މިސްރާބު ޖެހުމުންނެވެ.
ޖަޕާނުގެ މަނަވަރުތަކުން ކާލް ވިންސަންއާ ގުޅެނީ ޕެސިފިކް ކަނޑުގެ ހުޅަނގު ބިތުގައި ޚާއްސަ ތަމްރީނުތަކެއް ހެދުމުގެ ގޮތުންނެވެ.
