ބުދަ 02 ޑިސެންބަރު 2020
06 ދޮށަ
1442 ރަބީޢުލްއާޚިރު 16
ފަތިސް 04:40
އިރުއަރާ 05:56
މެންދުރު 11:59
އަސްރު 15:20
އިރުއޮއްސޭ 17:54
އިޝާ 19:11
މޮޑަރނާ ކޮވިޑް-19 ވެކްސިން

މޮޑަރނާގެ ކޮވިޑް ވެކްސިން 95 އިންސައްތަ ރައްކާތެރިކަމަށް ދައްކައިފި

  • މެސެންޖަރ އާރްއެންއޭ ވެކްސިންގެ 95 އިންސައްތަ ރައްކާތެރި

ކ. މާލެ | 16 ނޮވެންބަރ 2020 | ހޯމަ 23:57 | 5,200

މޮޑާރނާގެ ކޮވިޑް ވެކްސިން އެމެރިކާގައި ޓެސްޓްކުރަނީ - ގެޓީ އިމޭޖާސް

ކޮވިޑް-19 އަށް މޮޑަރނާ އިން ތައްޔާރުކުރަމުން އަންނަ ވެކްސިން 95 އިންސައްތަ ރައްކާތެރިކަމަށް ދައްކާކަމަށް ރިޕޯޓްތަކުން ދައްކައިފިއެވެ.

މޮޑާނާގެ ޗީފް މެޑިކަލް އޮފިސަރ ތާލް ޒެކްސް ވިދާޅުވީ ވެކްސިންގެ ޓެސްޓުތަކުގެ ނަތީޖާތަކާމެދު ވަރަށް ހިތްހަމަޖެހޭ ކަމަށާއި އަދި 94.5 އިންސައްތަ ރައްކާތެރިކަން ލިބިގެންދާ ކަމަށް ޓެސްޓްތަކުން ދައްކާ ކަމަށެވެ.

މި ވެކްސިންގެ ކްލިނިކަލް ޓްރައިއަލްގެ މަސައްކަތް ކުރިއަށް ގެންގޮސްފައިވަނީ 30،000 މީހުން ބައިވެރިކޮށްގެން، ކޮންމެ މީހަކަށް ދެ ޑޯޒް ދީގެންނެވެ. އެގޮތުން ފުރަތަމަ ޑޯޒް ދޭތާ ހަތަރު ހަފްތާ ފަހުން ދެ ވަނަ ޑޯޒް ދެމުންދާ ކަމަށް އެކުންފުނިން ބުނެއެވެ.

މޮޑަރނާ އިން މެސެންޖަރ އާރްއެންއޭ ވެކްސިން ތައްޔާރުކުރަމުން އަންނަނީ އެމެރިކާގެ ނެޝަނަލް އިންސްޓިޓިއުޓް އޮފް ހެލްތު އާއި ގުޅިގެންނެވެ.

އެގައުމުގެ ސަރުކާރުން ވަނީ ވެކްސިން ތައްޔާރުކުރުމަށް 1 ބިލިއަން ޑޮލަރުގެ ފައިސާގެ އެހީ ފޯރުކޮށްދީފައެވެ. މީގެ އިތުރުން ވެކްސިންގެ ރައްކާތެރި 100 މިލިއަން ޑޯޒް، ފޯރުކޮށްދިނުމަށް އިތުރު 1.5 ބިލިއަން ޑޮލަރު ދޭނެ ކަމަށް ވެސް ބުނެފައިވެއެވެ.

މި ވެކްސިން ތައްޔާރުކުރުމުގެ މަސައްކަތް ފަށާފައި ވަނީ ޖެނުއަރީ މަހު އެވެ. އަދި ފޭސް 3 މަސައްކަތް ފެށީ ޖުލައި 27 ގައެވެ.

މި ވެކްސިން މިހާރު ވެސް އެމެރިކާގެ 89 ސަރަހައްދެއްގައި ޓެސްޓު ކުރަމުންދާ ކަމަށް އެގަމުގެ ނޫސްތަކާ ހަވާލާދީ ރިޕޯޓް ކޮށްފައިވެއެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.