ކޮވިޑް ޖެހުނު މީހަކާ ބައްދަލުވެ ބޯރިސް އެކަހެރިވެވަޑައިގެންފި

ކޮވިޑް-19 އަށް ޕޮޒިޓިވްވި ގާނޫނު ހަދާ މަޖިލީހުގެ މެންބަރަކާއި ބައްދަލު ވެވަޑައިގެންފައި ވާތީ އިނގިރޭސިވިލާތުގެ ބޮޑުވަޒީރު ބޯރިސް ޖޮންސަން އެކަހެރިވެވަޑައިގެންފިއެވެ.

ކޮވިޑް-19 އަށް ޕޮޒިޓިވްވި ގާނޫނު ހަދާ މަޖިލީހުގެ މެމްބަރު ލީ އެންޑަސަންއާ އެކު ބޮޑު ވަޒީރު ބޯރިސް ވަނީ 35 ވަރަކަށް މިނިޓް ހޭދަކުރައްވާފައެވެ. އެ މަނިކުފާނުގެ އޮފީހުން ބުނީ، ބޯރިސްގެ ހާލުކޮޅު ރަނގަޅު ކަމަށާއި، މިހާރު އައިސޮލޭޓް ވަޑައިގެންފައިވާ ކަމަށެވެ.

ލީ ޖޮންސަން، ބޯރިސްއާ އެކު ނެންގެވި ފޮޓޮއެއް ވަނީ ފޭސްބުކްގައި އާއްމު ކުރައްވާފައެވެ. އެ ފޮޓޯގައި ދެ ބޭފުޅުން ތިއްބެވި މާސްކުވެސް ނާޅުއްވައި، ދެ މީޓަރަށް ވުރެ ކައިރީގައެވެ. ބޯރިސް ގޭގައި އެކަހެރިވެވަޑައިގެންވި ނަމަވެސް އެމަނިކުފާނު މަސައްކަތް ކުރައްވަމުން ގެންދަވާނެއެވެ.

ބޯރިސްއަށް މާޗް މަހު ކޮވިޑް-19 ޖެހިގެން، އެ މަނިކުފާނަށް ހޮސްޕިޓަލުގައި ވެސް ފަރުވާދިނެެވެ.