ކ. މާލެ
|
23 ޖުލައި 2019 | އަންގާރަ 16:38
ލަންޑަންގެ ކުރީގެ މޭޔަރު ބޯރިސް ޖޯންސަން
ލަންޑަންގެ ކުރީގެ މޭޔަރު ބޯރިސް ޖޯންސަން
ސްކައި ނިއުސް
އިނގިރޭސި ބޮޑުވަޒީރު
އިނގިރޭސިވިލާތުގެ ބޮޑުވަޒީރުގެ މަގާމާ ދެން ހަވާލުވާނީ ބޯރިސް ޖޯންސަން
 
އިންތިހާބު ކާމިޔާބު ކުރެއްވުމަށް ފަހު މޭއަށް ވަރަށް ތައުރީފުކުރެއްވި
 
ބޯރިސް ވަނީ ތެރީސާ މޭ ގެ ކެބިނެޓުގައި މަސައްކަތް ކުރައްވާފަ
 
ބޯރިސް އިންތިހާބު ކާމިޔާބުކުރީ ޖެރެމީ ހަންޓާ ވާދަކޮށް

އިނގިރޭސިވިލާތުގެ ކޮންޒަރވެޓިވް ޕާޓީގެ ލީޑަރަކު ހޮވުމަށް ބޭއްވި އިންތިހާބު ކާމިޔާބުކޮށް، ތެރީސާ މޭއަށް ފަހު ދެން ބޮޑުވަޒީރުގެ މަގާމާ ހަވާލުވެވަޑައިގަންނަވާނީ ބޯރިސް ޖޯންސަންކަން ކަށަވަރުވެއްޖެއެވެ.

ކޮންޒަރވެޓިވް ޕާޓީގެ ލީޑަރަކު ހޮވަމަށް ބޭއްވި އިންތިހާބު ބޯރިސް ކާމިޔާބުކޮށްފައިވަނީ، ސެކެޓްރީ އޮފް ސްޓޭޓް ޖެރަމީ ހަންޓްއާ ވާދަކޮށްގެނެވެ. ހަންޓަށް 46،656 ވޯޓު ލިބިވަޑައިގެންނެވި އިރު، ބޯރިސްއަށް ވަނީ 92،153 ވޯޓު ލިބިވަޑައިގެންފައެވެ. އިންތިހާބުގައި ޕާޓީގެ މެމްބަރުންގެ ތެރެއިން 160،000 މީހުން ވޯޓު ލާފައިވެއެވެ.

އިންތިހާބު ކާމިޔާބު ކުރެއްވުމަށްފަހު، ބޯރިސް އެންމެ ފުރަތަަމަ ވެސް ތައުރީފް ކުރެއްވީ މިހާރު ބޮޑުވަޒީރުގެ މަގާމުގައި ހުންނެވި ތެރީސާ މޭ އަށެވެ. ބޯރިސްގެ ވާހަކަފުޅުގައި އެބޭފުޅާ ވަނީ މޭ ގެ ކެބިނެޓް މެމްބަރެއްގެ ގޮތުގައި މަސައްކަތް ކުރުމަކީ ލިބުނު ވަރަށް ބޮޑު ފަހުރެއް ކަމަށް ވިދާޅުވިއެވެ.

ބޯރިސްގެ ވަނީ މައްސަލަ ބޮޑުވެފައިވާ ބްރެކްސިޓް އިނިގިރޭސި ރައްޔިތުންނާ ހަމައަށް ގެެނެސްދެއްވާނެ ކަމަށް ވައުދުވެވަޑައިގެން، އިދިކޮޅު ލޭބަރ ލީޑަރު ޖެރެމީ ކޯބިންއަށް ގޮންޖައްސަވާފައެވެ.

ކުރިން ލަންޑަންގެ މޭޔަރުކަން ވެސް ކުރެއްވި ބޮރިސް ބޮޑުވަޒީރުގެ މަގާމާ ހަވާލުވެވަޑައިގަންނަވާނީ ބުދަ ދުވަހުގައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް