ޤުދުރަތީ ތަރިކަ ރައްކާތެރިކުރުމަކީ އެންވަޔަރަމަންޓް މިނިސްޓްރީގެ މެންޑޭޓްގައި ހިމެނޭކަމެއް: ހެރިޓޭޖް މިނިސްޓަރ
11 ނޮވެމްބަރު 2020 | ބުދަ 17:58ހެރިޓޭޖް މިނިސްޓްރީގެ މެންޑޭޓްގައި ހިމެނިފައިވަނީ ސަޤާފީ ތަރިކަ ރައްކައުތެރިކުރުން
އުތީމު ގަނޑުވަރު
ގުދުރަތީ ތަރިކަ ރައްކާތެރިކުރުމަކީ އެންވަޔަރަމަންޓް މިނިސްޓްރީގެ މެންޑޭޓްގެ ތެރޭގައި ހިމެނޭ ކަމެއް ކަމަށް މިނިސްޓަރ އޮފް އާރޓްސް ކަލްޗަރ އެންޑް ހެރިޓޭޖް ޔުމްނާ މައުމޫނު ވިދާޅުވެއްޖެ އެވެ.
ރައީސް އިބްރާހިމް މުހައްމަދު ސާލިޙުގެ ސަރުކާރަށް ދެ އަހަރު ފުރުމާއި ގުޅިގެން ރާއްޖެ ޓީވީން ގެނެސްދިން ޚާއްސަ ކަވަރޭޖަށް މައުލޫމާތު ދެއްވަމުން ޔުމްނާ ވިދާޅުވީ މިނިސްޓްރީތަކުގެ މެންޑޭޓް އެކުލަވާލިއިރު ގުދުރަތީ ތަރިކަ ރައްކާތެރިކުރުން ހިމަނާފައިވަނީ އެންވަޔަރަމަންޓް މިނިސްޓްރީގެ މެންޑޭޓްގައި ކަމަށާއި ހެރިޓޭޖް މިނިސްޓްރީގެ މެންޑޭޓްގައި ހިމެނިފައިވަނީ ސަޤާފީ ތަރިކަ ރައްކާތެރިކުރުން ކަމަށެވެ.
ނަމަވެސް ބައެއް ކަހަލަ ތަރިކަ ދެބަޔަށްވެސް ބެހިގެންދާ ކަން މިނިސްޓަރ ފާހަގަ ކުރެއްވިއެވެ.
މިސާލެއްގެ ގޮތުން މިނިސްޓަރވަނީ ބާރަށުގައި ހުރި ގުދުރަތީ ތަރިކަ ހިމެނޭ ތަންތަން ފާހަގަކުރައްވާފައެވެ.
މިނިސްޓަރ ވިދާޅުވީ ގުތުރަތީ ތަރިކަ ރައްކައުތެރި ކޮށް އެފަދަ ތަންތަން ތަރައްޤީ ކުރުމަށް އެންވަޔަރަމަންޓް މިނިސްޓްރީއާއި އެކު މަސައްކަތް ކުރުމަށް ވިސްނަމުންދާ ކަމަށާއި އެކަމާއި ގުޅޭގޮތުން މަޝްވަރާ ކުރެވިފައިވާ ކަމަށެވެ.
