މާލޭގެ ލޮނުޒިޔާރަތް ކޮޅުގައި ސިޓީ ކައުންސިލުން ހަދާފައިވާ ''ލޮނުޒިޔާރަތް ޕާކް'' ރަސްމީކޮށް ހުޅުވައިފިއެވެ.

ބުދަ ދުވަހު ބޭއްވި ރަސްމިއްޔާތެއް ގައި, ރަސްމީކޮށް މި ޕާކް ހުޅުއްވައިދެއްވީ ސަރުކާރަށް ގިނަ ދުވަސްތަކެއްވަންދެން ހިދުމަތް ކުރައްވާފައިވާ ނިޝާން ޢިއްޒުއްދީންގެ އިއްޒަތުގެ ވެރިޔާ އުމަރު ޒާހިރެވެ.

ޕާކް ހުޅުވުމުގެ ރަސްމިއްޔާތުގައި ރައީސް އިބްރާހިމް މުހައްމަދު ސޯލިހުގެ ދެކަނބަލުން، ރައްޔިތުންގެ މަޖިލީހުގެ ރައީސް މުހައްމަދު ނަޝީދު އާއި، ނައިބް ރައިސް ފައިސަލް ނަސީމްގެ އިތުރުން ސަރުކާރުގެ ވަޒީރުން ވަނީ ބައިވެރިވެ ވަޑައިގެންފައެވެ.

އެ ރަސްމިއްޔާތުގައި ވާހަކަ ދައްކަމުން ސިޓީ ކައުންސިލްގެ މޭޔަރު ޝިފާ މުހައްމަދު ވިދާޅުވީ، މާލެ ފަދަ ކޮންކްރީޓުން ބަރާވެފައިވާ ތަނެއްގައި ލޮނުޒިޔާރަތް ޕާކް ކަހަލަ ޕާކެއް ހެދުމަކީ ގިނަ ބަޔަކު ގަބޫލުކުރަމުން އައި ކަމެއް ނޫން ކަމަށެވެ. ޖާގައިގައި 2.5 ހެކްޓަރުގެ ޕާކަށް ދައުލަތުގެ ބަޖެޓުން 16.8 މިލިއަން ރުފިޔާ މިހާތަނަށް ހޭދަކޮށްފައިވާ ކަމަށް ޝިފާ ވިދާޅުވިއެވެ.

މޭޔަރު ވިދާޅުވީ، ލޮނުޒިޔާރަތް ޕާކަކީ ރައީސް ސޯލިހުގެ ވައުދުތަކުގެ ތެރޭގައި ހިމެނޭ ފެހި މާލެ އެއް ބިނާކުރުމަށްޓަކައި ދިޔަ ރަނުގެ ފުރުސަތެއް ކަމަށެވެ. ސިޓީ ކައުންސިލުން ބުނީ، ޕާކް ގައި ހިމެނޭ ''މާމެލާ މެލި'' ހާއްސަ ކުރެވިފައިވަނީ ކައިވެނި ޕާޓީތަކުގެ އިތުރުން އެކި ކަހަލަ ހަފްލާތަކަށް ކަމަށެވެ.

ޕާކްގެ މަސައްކަތް ކުރިއަށް ގެންދިއަ ގޮތް ހިއްސާ ކުރައްވަމުން ސިޓީ ކައުންސިލްގެ ޑެޕިއުޓީ މޭޔަރު ޝަމާއު ޝަރީފް ވިދާޅުވީ، ޕާކު ހެދުމުގެ މަސައްކަތް ފެށިއިރު އެ ތަނުގައި އެއްވެސް ވައްތަރެއްގެ ގަހެއް އިންދިދާނެ ކަމަށް އުއްމީދު ނުކުރައްވާ ކަމަށެވެ. އޭނާ ވިދާޅުވީ، ރާއްޖޭގައި ނެތެމުންދާ ގިނަ އަދަދެއްގެ ގަސްތަކެއް ޕާކްގައި ހިމެނޭނެ ކަމަށެވެ. ގަހުގެ ސައިންޓިފިކް ނަމާއި އާއްމު ނަން ފެންނާނެހެން ބޯޑުތައް ވަނީ ހަރުކުރެވިފައެވެ.

ޝިފާ ވިދާޅުވީ، ޕާކްގެ ސެކިއުރިޓީ ގާޑުންގެ ގޮތުގައި ދިވެހިން ތަމްރީނު ކުރުމުގެ މަސައްކަތް ކުރެވެމުންދާ ކަމަށާއި، ސެކިއުރިޓީންގެ ގޮތުގައި އަންހެނުން ބޭތިއްބުމުގެ ވިސްނުން ސިޓީ ކައުންސިލުން ގެންގުޅެމުންދާ ކަމަށެވެ. އަދި އެ ޕާކް ވެގެން ދާނީ ގިނަ ވަޒީފާތަކެއް އުފައްދައިދޭ ތަނެއްގެ ގޮތުގައި ކަމަށް ޝިފާ ވިދާޅުވިއެވެ.

ލޮނުޒިޔާރަތް ޕާކަކީ ރައީސް ސޯލިހުގެ ރިޔާސީ ވައުދުފުޅުގެ ތެރެއިން ވައުދެކެވެ. "ލޮނުޒިޔާރަތް ޕާކް" އަކީ ގިނަ އަދަދެއްގެ ގަސްތައް އިންދައިގެން ތަރައްގީ ކޮށްފައިވާ ރާއްޖޭގައި މިވަގުތު ހުރި އެންމެ ބޮޑު ބަގީޗާއެވެ. ލޮނު ޒިޔާރަތްކޮޅުގައި ޕާކެއް ގާއިމު ކުރުމުގެ މަސައްކަތް ފެށީ، މާލެ-ހުޅުމާލެ ބްރިޖްގެ މަސައްކަތް ނިމި، ހުޅުވި ފަހުންނެވެ. ބްރިޖްގެ މަސައްކަތް ކުރިއަށް ދިއައިރު، އެތަނަކީ، ކޮންޓްސްޓްރަކްޝަން ސައިޓެކެވެ. އެތަން ޕާކެއްގެ ގޮތަށް ތަރައްގީ ކުރުމުގެ މަސައްކަތް ފެށީ މިދިއަ އަހަރުން ފެށިގެންނެވެ.