ހަޔަރ އެޑިއުކޭޝަން ލޯން ސްކީމް، ހިލޭ ފަސްޓް ޑިގްރީ ޕްރޮގުރާމަށާއި ސްކޮލަރޝިޕްތަކަށް 550 މިލިއަން ރުފިޔާ!
9 ނޮވެމްބަރު 2020 | ހޯމަ 04:316,500 ކުދިންނަށް ހިލޭ ކިޔެވޭނެ މަގު ސަރުކާރުން މިހާތަނަށް ވަނީ ފަހިކޮށްދީފައި
ގައުމީ ޔުނިވާރސިޓީގައި އޮތް ރަސްމިއްޔާތަކަށް ރައީސް ސޯލިހު އަދި، ހަޔަރ އެޑިއުކޭޝަން މިނިސްޓަރ ވަޑައިގަތުން
މަތީ ތައުލީމު ހާސިލް ކުރުމަށް ދަރިވަރުންނަށް ދެމުންގެންދާ ހަޔަރ އެޑިއުކޭޝަން ލޯން ސްކީމަށާއި ހިލޭ ފަސްޓް ޑިގްރީ އާއި ހަމައަށް ކިޔެވުމުގެ ޕްރޮގްރާމަށާއި ސްކޮލަރޝިޕްތަކަށް 550 މިލިއަން ރުފިޔާ ޚަރަދުކުރުމަށް 2021 ވަނަ އަހަރުގެ ދައުލަތުގެ ބަޖެޓުގައި ހިމަނައިފިއެވެ.
2021 ވަނަ އަހަރުގެ ބަޖެޓު މަޖިލީހަށް ހޯމަ ދުވަހުގެ ޖަލްސާގައި ހުށަހަޅުއްވަމުން ފިނޭންސް މިިނިސްޓަރ ވަނީ، ތައުލީމީ މުޖުތަމައެއް ބިނާކުރުމުގެ މުހިންމުކަމަށް އަލިއަޅުވައި 2021 ބަޖެޓުގައި ތައުލީމަށް ހޭދަކުރުމުމަށް ނިންމާފައިވާ އަދަދުތަކުގެ ތަފްސީލްތައް ހިއްސާކުރައްވާފައެވެ.
އެގޮތުން، މިނިސްޓަރ ވަނީ، ސަރުކާރުގެ ފުރަތަމަ އަހަރު ތައާރަފު ކުރި ޑިގްރީ ފެންވަރަށް ހިލޭ ކިޔެވުމުގެ ޕްރޮގްރާމަކީ މަތީތަޢުލީމުގެ ދާއިރާއިން ލިބިފައިވާ އެންމެ ބޮޑު ކާމިޔާބީކަން ފާހަގަކުރައްވާފައެވެ. އެގޮތުން، މިހާތަނަށް މި ޕްރޮގްރާމްގެ ދަށުން6,500ކުދިންނަށް ހިލޭ ކިޔެވޭނެ މަގު ސަރުކާރުން ފަހިކޮށްދީފައިވާއިރު، 2021 ވަނަ އަހަރު މަތީ ތައުލީމު ހާސިލް ކުރުމަށް ދަރިވަރުންނަށް ދެމުންގެންދާ ހަޔަރ އެޑިއުކޭޝަން ލޯން ސްކީމަށާއި ހިލޭ ފަސްޓް ޑިގްރީ އާއި ހަމައަށް ކިޔެވުމުގެ ޕްރޮގްރާމަށާއި ސްކޮލަރޝިޕްތަކަށް 550 މިލިއަން ރުފިޔާ ހަރަދުކުރެވިފައިވާކަމަށް މިނިސްޓަރ ވަނީ ވިދާޅުވެފައެވެ.
މީގެއިތުރުން، ވަޒީފާ ހޯދާ ފަރާތްތަކަށް ހާއްސަކޮށްގެން ރީ-ސްކިލް ކުރުމުގެ ޕްރޮގްރާމެއް 2021ގެ ބަޖެޓުން ފެށޭއިރު ރިޒޯޓުތަކުގެ ސީނިއަރ މެނޭޖްމަންޓް މަޤާމްތަކުގައި ދިވެހިން އިތުރުކުރުމަށް ތަމްރީނު ޕްރޮގުރާމް ހިންގުމަށް ހަމަޖެހިފައިވާކަންވެސް މިނިސްޓަރ ވަނީ ވިދާޅުވެފައެވެ.
މިނިސްޓަރގެ ވާހަކަފުޅުގައި ވަނީ، އުފެންދުންތެރި ހަރުދަނާ ޒުވާނުންތަކެއް އުފެއްދުމަށް މުހިންމު ކަންތަކެއްގެ ގޮތުގައި ފާހަގަކުރައްވާފައެވެ. 2020 ވަނަ އަހަރުގެ ބަޖެޓުގައި ސްކޮލަރޝިޕްގެ ގޮތުގައި 796.74 މިލިއަން ރުފިޔާ ހޭދަ ކުރުމަށް ހިމެނިއެވެ.
