އިންސާނީ ހައްގުތަކުގެ ހާލަތާއި ބެހޭ ރިޕޯޓު ޔޫޕީއާރަށް ހުށަހަޅައިފި
5 ނޮވެމްބަރު 2020 | ބުރާސްފަތި 06:42ޔޫ.ޕީ.އާރު ރިޕޯޓް 2019 ވަނަ އަހަރުގެ އޮކްޓޫބަރުގައި އދ ގެ އިންސާނީ ހައްގުތަކާ ބެހޭ ކައުންސިލަށް ވަނީ ހުށަހަޅާފައި
އެޗްއާރްސީއެމްއަށް މެމްބަރުން ހުވާކުރުމުގެ ރަސްމިއްޔާތުގެ ތެރެއިން
އިންސާނީ ހައްގުތަކުގެ ހާލަތާއި ބެހޭ ރިޕޯޓު ޔޫޕީއާރް (ޔުނިވަރސަލް ޕީރިއޮޑިކް ރިވިއު) އަށް އެޗްއާރްސީއެމުން ހުށަހަޅައިފިއެވެ.
ހިއުމަން ރައިޓްސް ކައުންސިލުން ދިވެހި ދައުލަތް ރިވިއުކޮޮށްފައިބވަނީ ބުދަ ދުވަހު ބޭއްވި ޔޫޕީއާރްގެ 36 ވަނަ ސެޝަންގައެވެ. ހިއުމަން ރައިޓްސް ކޮމިޝަނުން ތައްޔާރުކޮށްފައިވާ ޔޫޕީއާރް ރިޕޯޓް 2019 ވަނަ އަހަރުގެ އޮކްޓޫބަރުގައި އދ. ގެ އިންސާނީ ހައްގުތަކާ ބެހޭ ކައުންސިލަށް ހުށަހަޅާފައިވާއިރު، ރިޕޯޓުގައި ވަނީ 2015 އިން 2019 ވަނަ އަހަރުގެ ނިޔަލަށް ދިވެހިރާއްޖެއިން ފާހަގަވެފައިވާ އިންސާނީ ޙައްޤުތަކާބެހޭ ހާލަތް ހިމަނާފައެވެ.
ރިޕޯޓު އެކުލަވާލުމުގައި މަދަނީ އަދި ސިޔާސީ ޙައްޤުތަކާއި، އިޤްތިޞާދީ، އިޖްތިމާޢީ އަދި ސަޤާފީ ޙައްޤުތަކުގެ ދަށުން 15 މަޢުލޫއަކަށް އެޗްއާރުސީއެމުން އަލިއަޅުވާފައިވެއެވެ.
ޔޫޕީއާރްއަކީ އދ. ގެ މެމްބަރުޤައުމުތަކުގެ ތެރެއިން ކޮންމެ ޤައުމެއްގެ އިންސާނީ ޙައްޤުތަކުގެ ޙާލަތު ދެނެގަތުމުގެ ގޮތުން އެކަށައަޅާފައިވާ ނިޒާމެކެވެ. ޔޫޕީއާރްގެ މައިގަނޑު މަގްސަދަކީ އދ. ގެ މެމްބަރު ޤައުމުތަކުގައި އިންސާނީ ޙައްޤުގެ ޙާލަތު ރަނގަޅުކުރުމާއި އިންސާނީ ޙައްޤުތައް ގެއްލިފައިވާ މިންވަރު ދެނެގަތުމާއި އެފަދަ އަމަލުތައް ހުއްޓުވުމަށް ޤައުމުތަކަށް ބާރުއެޅުމެވެ.
