ކުޅުދުއްފުށީގައި މީހަކަށް ތޫނު އެއްޗަކުން ހަމަލާދީ ޒަހަމްކޮށްލައިފި
މި މައްސަލަ ފުލުހުންނަށް ރިޕޯޓުކޮށްފައިވަނީ ބުދަ ދުވަހުގެ ހެނދުނު 11:25 އެހާކަން ހާއިރު
ހދ. ކުޅުދުއްފުށި ސިޓީ: ޒުވާނަކަށް ހަމަލާ ދީފައިވަނީ ކުޅުދުއްފުށީގެ ފިހާރައެއްގެ ތެރޭގައި
ހދ. ކުޅުދުއްފުށި ސިޓީގައި ޒުވާނަކަށް ތޫނު އެއްޗަކުން ހަމަލާދީ ޒަހަމްކޮށްލައިފިއެވެ.
ފުލުހުން ބުނީ ބުދަ ދުވަހުގެ ހެނދުނު 11:25 އެހާކަން ހާއިރު އެރަށުގައި ޒުވާނަކަށް ތޫނު އެއްޗަކުން ހަމަލާދީފައިވާ ކަމުގެ މައުލޫމާތު ލިބިފައިވާ ކަމަށެވެ. އަދި މި ހަމަލާ ދީފައިވަނީ ފިހާރައެއްގެ ތެރޭގައި ކަމަށާއި، ހަމަލާދީ ޒަހަމް ކޮށްލާފައިވަނީ އުމުރުން 22 އަހަރުގެ ދިވެހި ފިރިހެނަކަށް ކަމަށްވެސް ފުލުހުން ބުނެއެވެ.
އަދި މިހާރު އޭނާއަށް ކުޅުދުއްފުށީ ހޮސްޕިޓަލުގައި ފަރުވާ ދެމުން ދާކަމަށްވެސް ފުލުހުން ވަނީ ބުނެފައެވެ. މީގެ އިތުރުން ފުލުހުން ބުނީ މި މަސައްލައާ ގުޅިގެން މީހަކު ހައްޔަރު ކޮށްފައިވާ ކަމަށެވެ.
ހައްޔަރު ކޮށްފައިވަނީ އުމުރުން 28 އަހަރުގެ ފިރިހެނެއް ކަމަށާއި، މި މަސައްލަ ތަހުގީގު ކުރަމުން އަންނަ ކަމަށްވެސް ފުލުހުން މައުލޫމާތުދެއެވެ.
